«Ni słova pa-rasiejsku». Na ŭčarašniaj sustrečy Cichanoŭskaja i Zialenski havaryli kožny na svajoj movie
Padčas učorašniaj sustrečy z prezidentam Ukrainy Uładzimiram Zialenskim Śviatłana Cichanoŭskaja razmaŭlała pa-biełarusku, a jon — pa-ŭkrainsku. «Ni słova pa-rasiejsku», — raskazaŭ «Jeŭraradyjo» pra detali sustrečy daradca lidarki demsiłaŭ pa dypłamatyčnych pytańniach Dzianis Kučynski.
«Cichanoŭskaja pryznałasia, što časam dzie-nidzie vykarystoŭvaje ŭkrainskija słovy, razmaŭlajučy pa-biełarusku. Prezident Ukrainy adkazaŭ: «Bud́ łaska! Vikoristovujtie!», — zhadvaje Kučynski.
Taksama jon padzialiŭsia inšymi padrabiaznaściami sustrečy:
«Śviatłana Cichanoŭskaja vykazała poŭnuju padtrymku Ukrainy. Jana padziakavała Zialenskamu za prahramny vystup u Vilni, dzie byli jasna rasstaŭlenyja akcenty: Łukašenka — hienierał-hubiernatar, vasał pry Pucinie.
Taksama abmiarkoŭvali praces vyzvaleńnia palitviaźniaŭ, u jakim važnuju rolu adyhrała kamanda Zialenskaha. I tut prezident Ukrainy padkreśliŭ, što jon hatovy akazvać takoha kštałtu dapamohu i nadalej.
Havaryli pra važnaść supolnaj stratehii ŭ dačynieńni da Łukašenki. Pra našuju misiju va Ukrainie. My spadziajemsia, chto chutka budzie pryznačany novy śpiecpradstaŭnik Ukrainy pa Biełarusi.
Važny miesiedž, jaki daŭ Zialenski — jon i jaho kamanda, urad adździalajuć režym Łukašenki ad ludziej. My vielmi pazityŭna aceńvajem sustreču. Z Bankavaj ciapier vielmi dobry kantakt».
Cichanoŭskaja abmierkavała ź ministram zamiežnych spraŭ Ukrainy detali pryznačeńnia novaha śpiecpasłańnika ŭ Biełarusi
Čamu Zialenski pierahledzieŭ staŭleńnie da biełaruskaj apazicyi? Analiz Valera Karbaleviča
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ
Kamientary