Čamu Zialenski pierahledzieŭ staŭleńnie da biełaruskaj apazicyi? Analiz Valera Karbaleviča
Doŭhi čas Kijeŭ davoli aściarožna staviŭsia da supracy ź biełaruskaj apazicyjaj. Ale apošnimi dniami prezident Ukrainy Uładzimir Zialenski šmat uvahi ŭ svaich vystupach nadaŭ Biełarusi. Jon upieršyniu pravioŭ pieramovy ź Śviatłanaj Cichanoŭskaj, zaprasiŭ jaje naviedać Kijeŭ. Što adbyvajecca, piša ahladalnik «Svabody» Valer Karbalevič.
Možna mierkavać, što tut syšłosia niekalki čyńnikaŭ.
Najpierš paŭpłyvali kadravyja źmieny ŭ kiroŭnych orhanach Ukrainy. Syšoŭ u adstaŭku kiraŭnik Ofisu prezidenta Andrej Jarmak. Jahonaje miesca zaniaŭ Kirył Budanaŭ, jaki dasiul kuryravaŭ palityku Kijeva na biełaruskim kirunku, vioŭ niefarmalnyja pieramovy ź biełaruskimi čynoŭnikami. Jon sustrakaŭ 114 biełaruskich palitviaźniaŭ na miažy ŭ śniežni.
Łahična zrabić vysnovu, što jahony prychod da kiraŭnictva Ofisu prezidenta Ukrainy spryčyniŭsia da karektavańnia palityki adnosna Biełarusi.
Ale bolš važnyja sistemnyja źmieny, jakija padšturchoŭvajuć Kijeŭ da novych padychodaŭ da Biełarusi.
Mahčyma, Zialenski ŭpeŭniŭsia, što Łukašenka nie pojdzie dalej ciapierašniaha ŭzroŭniu padtrymki rasiejskaj ahresii suprać Ukrainy. Bo ŭkrainskija drony vyjavilisia vielmi efektyŭnymi ŭ vybivańni rasiejskich naftapierapracoŭčych zavodaŭ. Pryčym, dasiahajuć ich navat za Urałam. I ŭ vypadku čaho, dva biełaruskija NPZ mohuć być źniščany za adnu noč.
Kijeŭ nie biantežyć, što palityka Ukrainy i ZŠA adnosna Biełarusi ciapier ruchajecca na supraćchodzie. Vašynhton viadzie aktyŭnyja pieramovy z aficyjnym Minskam, častkova zdymaje sankcyi ź biełaruskich pradpryjemstvaŭ. A Kijeŭ idzie na bolš ščylnaje supracoŭnictva ź nienavisnaj režymu ŭ Minsku biełaruskaj apazicyjaj.
Pakolki ZŠA ŭsio bolš dystancujucca ad Jeŭropy, rezka źmienšyli padtrymku Ukrainy, to Kijevu treba vieści svaju hulniu, być bolš samastojnym.
I pa miery taho, jak vajna budzie nabližacca da zaviaršeńnia, važnaść statusu Biełarusi dla paślavajennaha hieapalityčnaha pazicyjanavańnia Ukrainy, jaje biaśpieki budzie tolki pavialičvacca.
Demakratyčnyja źmieny ŭ Biełarusi radykalna paŭpłyvali b na stanovišča Ukrainy ŭ paślavajennym supraćstajańni z Rasijaj. U takoj łohicy sajuz ź biełaruskaj apazicyjaj, demakratyčnaj supolnaściu maje vialikaje značeńnie.
-
Na mahile Viački Stankieviča na pomniku — ni słova pa-biełarusku. Voś pra što heta kaža nakont emihrantaŭ, emihracyi i «biełaruskaści ŭnukaŭ»
-
Lvoŭski: U Biełarusi nacyjanalnaje śviata — heta rycarskija turniry, u Rasii — sarafany i karahody
-
Praryŭ marakancaŭ u Sieutu: što heta było? Ci mahła heta być tonkaja pomsta Vašynhtona Madrydu? I ci adabjecca na lehalizacyi biełarusaŭ?
Ciapier čytajuć
Brat Koli Łukašenki buduje farmaceŭtyčny kompleks za $10 miljonaŭ11
Brat Koli Łukašenki buduje farmaceŭtyčny kompleks za $10 miljonaŭ
I pra realnych bandytaŭ, i pra kryvarukaha Kościu-plitačnika, i pra seks u ciahniku. Žurnalistka z Homiela napisała knihu — čytać jaje strašna i śmiešna1111
Kamientary