Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ
Cichanoŭskaja padziakavała Zialenskamu za jahonuju padtrymku demakratyčnaj Biełarusi i za toje, što pryniali hrupu vyzvalenych palitviaźniaŭ.
U Vilni viečaram 25 studzienia prezident Ukrainy Uładzimir Zialenski pravioŭ sustreču sa Śviatłanaj Cichanoŭskaj.
Cichanoŭskaja ad imia biełarusaŭ vykazała poŭnuju padtrymku ŭkrainskamu narodu, jaki zmahajecca za svabodu i adznačyła vyklučnaje asabistaje lidarstva prezidenta Zialenskaha, i padziakavała za mocnuju pramovu na cyrymonii ŭšanavańnia paŭstancaŭ 1863 hodu, paviedamiła pres-słužba Cichanoŭskaj.
@nashaniva Cichanoŭskaja i Zialenski ŭpieršyniu praviali sustreču. Ukrainski prezident zaprasiŭ demakratyčnuju lidarku naviedać Kijeŭ! #minsksiejčas #biełaruśsiejčas #śvietłanatichanovskaja #tichanovskaja #zielenskij ♬ Manifestation - Perfect, so dystopian
Cichanoŭskaja taksama padziakavała Zialenskamu za jahonuju padtrymku demakratyčnaj Biełarusi i za toje, što kiraŭnictva Ukrainy raździalaje biełarusaŭ i režym. Cichanoŭskaja asobna zhadała biełaruskich dobraachvotnikaŭ, vałancioraŭ, a taksama partyzanaŭ, niezakonna asudžanych za salidarnaść i padtrymku Ukrainy, a taksama biełarusaŭ va Ukrainie. Biełaruskaja lidarka taksama asobna źviarnuła ŭvahu na los pałonnych biełaruskich dobraachvotnikaŭ.
Padziakavała jana i za toje, što pryniali apošniuju hrupu vyzvalenych palitviaźniaŭ. Baki abmierkavali praces vyzvaleńniaŭ, nastupnyja kroki i hatoŭnaść Ukrainy akazvać padtrymku padobnaha kštałtu nadalej.
Cichanoŭskaja prapanavała pryznačyć śpiecpasłańnika pa Biełarusi, hetak ža jak heta zrabili šmatlikija inšyja demakratyčnyja krainy. A taksama bolš ščylnuju supracu ź Misijaj demakratyčnych siłaŭ u Kijevie.
Taksama abmierkavali vizit Cichanoŭskaj va Ukrainu: Zialenski zaprasiŭ Cichanoŭskuju naviedać Kijeŭ.
Cichanoŭskaja i Zialenski taksama abmierkavali sankcyjnuju palityku, supolnuju stratehiju ź jeŭrapiejskimi i amierykanskimi partniorami, pryciahnieńnie da adkaznaści Łukašenki i pamahatych režymu, u tym liku — za vyvaz ukrainskich dziaciej.
Cichanoŭskaja padkreśliła, što losy volnaj Biełarusi i Ukrainy ŭzajemaźviazanyja, i što demsiły buduć radyja jašče bolš ščylnamu supracoŭnictvu z Ukrainaj.
-
Brytanija 25 hadoŭ nie moža departavać biełarusa — toj chłusić biełaruskim uładam, što jon nie svoj. I jany nie zabirajuć jaho dadomu
-
Vyvučyŭ vosiem movaŭ, ažaniŭsia i staŭ doktaram u Barysavie — historyja miedyka z Turkmienistana
-
Ministr abarony Litvy pra list Zialenskaha: Naiŭna čakać, što Pucin prosta voźmie i adstupić
Kamientary
I što jana adkazała na jaho prapanovu?
P.s. Paśla siońnia ŭsio vyśvietlena kančatkova: heta Zialenski - mudry, a pucin - ch***o.