Tolki ŭ adnym z 16 vajavodstvaŭ Polščy biełarusaŭ bolš, čym ukraincaŭ. Voś jak biełarusy raśsialilisia pa krainie
Ukraincy ź vialikim adryvam zajmajuć pieršaje miesca pa kolkaści siarod zamiežnikaŭ u Polščy, ale jość adno vyklučeńnie.
Jaki rehijon samy biełaruski
Pa stanie na pačatak 2026 hoda ŭ Polščy žyvuć 140 974 hramadzianie Biełarusi z dazvołami na žycharstva ŭsich typaŭ, a ŭkraincaŭ — 543 599 čałaviek.
Bolš za tracinu biełarusaŭ u Polščy žyvie ŭ Varšavie — 53 220 čałaviek. Na druhim miescy idzie Padlašša. U Biełastoku i Padlašskim vajavodstvie žyvie 13 470 hramadzian Biełarusi ź dziejnym DNŽ.
Badaj, hałoŭnaja admietnaść Padlašša zaklučajecca jašče i ŭ tym, što heta adziny rehijon u Polščy, dzie na pieršym miescy pa kolkaści zamiežnikaŭ znachodziacca nie ŭkraincy, a biełarusy.
I kali ahułam ukraincaŭ pa ŭsioj Polščy ŭ 3,85 razu bolš, čym biełarusaŭ, to na Padlaššy biełarusaŭ u 3,22 razu bolš, čym ukraincaŭ.
To-bok na Biełastoččynie žyvuć usiaho 4 183 hramadzianie Ukrainy suprać 13 470 hramadzian Biełarusi.
Adnačasova Padlašša źjaŭlajecca rehijonam, dzie žyvie najbolšy pracent hramadzian Polščy, jakija źjaŭlajucca biełarusami pa nacyjanalnaści.
Dzie jašče žyvie šmat biełarusaŭ?
Aproč Varšavy i Biełastoččyny, šmat biełarusaŭ ź dziejnymi DNŽ žyvuć u:
- Nižniesilezskim vajavodstvie (Urocłaŭ) — 12 314 čałaviek;
- Vielikapolskim vajavodstvie (Poznań) — 11 280 čałaviek;
- Pamorskim vajavodstvie (Hdańsk) — 11 272 čałavieki.
Kamientary