Minski majstar parekamiendavaŭ bierahčy haryzontaŭskija noŭtbuki. Bo noŭt u kitajcaŭ «skrali», a zapčastki da jaho nie zavieźli
«Užo niemahčyma maŭčać pra hetyja «ašbuki», nibyta biełaruskija. Heta prosta pipiec. Zapčastak niama ad słova zusim. Jak jany zakuplali ŭ Kitai?» — biaduje minski majstar u sacsietkach.
Mužčyna kaža, što biełaruski noŭtbuk — «skradzieny kitajski Spirit». Ale nie heta hałoŭnaje.
«Pytańnie voś u čym: ładna skrali «kitajca», ale zaviazicie vy kamplektujučyja, zaviazicie kłavijatury, zaviazicie akumulatary. Akumulataraŭ u aficyjałaŭ niama. Kłavijatury mahčymyja pad zamovu — treba telefanavać na zavod, miesiacami ciahnuć čas, «maroziać» — taksama niama», — kaža jon.
Zastajecca adziny varyjant — kuplać na AliExpress.
«Hladzim ceńnik na AliExpress: 156 rubloŭ biez PDV. A PDV — 20%. Plus dastaŭka. Zaraz jany naohuł nie dastaŭlajucca ŭ Minsk. Vy razumiejecie?» — kaža jon. Atrymlivajecca, pavodle jaho słoŭ, udvaja daražej za aryhinalnyja detali Dell, Asus, Acer.
Tamu majstar raić pakupnikam biełaruskaha noŭtbuka bierahčy jaho: «Aściarožna z akumulatarami, aściarožna vielmi z kłavijaturami, tamu što ich nie zavieźli ŭ Minsk. Biełaruski noŭt zavieźli z Kitaja, a kamplektujučyja — nie».
«Heta papiłavali babło, dzivaki», — dadaje jon.
Kamientary