U minskim mietro patłumačyli, dla čaho adličvajuć na hadzińnikach čas ad adpraŭleńnia ciahnika, a nie da jaho prybyćcia
U pres-słužbie Minskaha mietrapalitena adkazali na pytańnie, jakoje choć raz uźnikała ŭ amal kožnaha pasažyra: čamu elektronnaje tabło na stancyjach adličvaje čas z momantu adpraŭleńnia papiaredniaha ciahnika, a nie da pryjezdu nastupnaha?
Jak vyśvietliłasia, hetyja hadzińniki — tak zvanyja intervalnyja — pryznačanyja nie dla pasažyraŭ, a najpierš dla mašynistaŭ. Mienavita im važna dakładna viedać, kali sa stancyi vyjechaŭ papiaredni sastaŭ, kab svoječasova adpravicca samim i stroha trymacca hrafika ruchu.
U mietrapalitenie adznačyli, što intervalnyja hadzińniki — heta instrumient, jaki harantuje biaśpieku i dakładnaść ruchu ciahnikoŭ. Kirujučysia imi, mašynist moža nie tolki paźbiehnuć zatrymak padčas pasadki i vysadki pasažyraŭ, ale i karektavać ruch: kali ciahnik spaźniajecca — paskorycca, a kali adlehłaść da papiaredniaha sastavu stanovicca zanadta małoj — pačakać, kab zachavać biaśpiečny intervał.
Čamu na stancyjach niama asobnych tabło, jakija pakazvali b pasažyram, kolki času zastałosia da nastupnaha ciahnika, u pres-słužbie nie patłumačyli. U toj ža čas niekatoryja karystalniki prapanavali pastavić dadatkovyja ekrany — pa prykładzie inšych mietrapalitenaŭ.
Abmierkavańnie ŭ sacsietkach pakazała, što mierkavańni na hety kont padzialilisia. Adny ličać takuju infarmacyju vielmi zručnaj, inšyja ž upeŭnienyja, što jana ničoha nie źmienić: maŭlaŭ, kali čałaviek užo spuściŭsia ŭ mietro, to ŭsio roŭna pajedzie, niezaležna ad taho, čakać dźvie chviliny ci dziesiać.
U minskim mietro raskazali, što chavajecca za zahadkavymi dźviaryma na ścienach stancyj
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
U minskim mietro raskazali, jakija kaštoŭnyja rečy zabyvajuć u śpiešcy pasažyry
U minskim mietro źmienicca pach
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2727
Kamientary