Mark Rute zaklikaŭ krainy Jeŭrasajuza, jakija «siadziać na zapasach pierachopnikaŭ», pieradać ich Ukrainie
Hienieralny sakratar NATA Mark Rute zaklikaŭ krainy Jeŭrapiejskaha sajuza, jakija majuć značnyja zapasy rakiet-pierachopnikaŭ dla sistem supraćpavietranaj abarony, pieradać hetaje ŭzbrajeńnie Ukrainie. Z takoj zajavaj jon vystupiŭ 26 studzienia na pasiadžeńni kamiteta Jeŭraparłamienta pa pytańniach biaśpieki ŭ Brusieli, piša «Jeŭrapiejskaja praŭda».
Pavodle słoŭ Rute, u niekatorych dziaržaŭ ES dahetul zachoŭvajucca vialikija arsienały rakiet-pierachopnikaŭ, i kiraŭnictva NATA ličyć, što istotnaja ich častka pavinna być pieradadziena Ukrainie, bo heta zaraz źjaŭlajecca vidavočnym pryjarytetam.
Hiensak NATA adznačyŭ, što dakładna viedaje, u jakich krain jość takija zapasy, adnak nie moža nazvać ich publična. Pry hetym hałoŭnakamandujučy Abjadnanych uzbrojenych sił NATA ŭ Jeŭropie całkam padtrymlivaje ideju pieradačy hetaha ŭzbrajeńnia Kijevu.
Rute źviarnuŭ uvahu deputataŭ Jeŭraparłamienta na toje, što kožnuju noč pa Kijevie, Lvovie, Charkavie i inšych bujnych haradach Ukrainy zapuskajuć dziasiatki rakiet i sotni bieśpiłotnikaŭ. Uzrovień ich pierachopu źniziŭsia, u pieršuju čarhu z-za niedachopu rakiet dla sistem NASAMS, jakija ŭžo znachodziacca va Ukrainie. Anałahičnaja situacyja i z kompleksami Patriot, jakija patrabujuć pastajannaha papaŭnieńnia rakiet-pierachopnikaŭ.
Pa słovach hiensaka NATA, isnuje dva šlachi vyrašeńnia hetaj prablemy: pastaŭki ŭ miežach amierykanskaj vajskovaj dapamohi abo vykarystańnie zapasaŭ, jakija ŭžo jość u nacyjanalnych arsienałach jeŭrapiejskich krain.
Jon zaklikaŭ jeŭradeputataŭ upłyvać na svaje ŭrady i nastojvać na pieradačy hetaha ŭzbrajeńnia Ukrainie, adznačyŭšy, što niekatoryja dziaržavy ŭžo pačali dziejničać u hetym kirunku.
Mark Rute padkreśliŭ, što havorka idzie pra pytańnie žyćcia i śmierci kožny dzień, a taksama pra abaronu krytyčnaj, u tym liku enierhietyčnaj, infrastruktury Ukrainy.
«Heta nie «nadzień švedar». Heta choład, ad jakoha nikudy nie schavacca». Jak ukraincy vyžyvajuć bieź śviatła i ciapła ŭ chałodnych kvaterach
«Hierań-5». Kab złamać ukrainskuju SPA, Rasija naroščvaje chutkaść dronaŭ
Zialenski: Tańniej nie dać Rasii vyrablać rakiety, čym ratavać enierhasistemu Ukrainy
«Siońnia ŭ kvatery ŭžo ciaplej, +5». Jak Kijeŭ znoŭ žyvie biez aciapleńnia paśla rasijskaj ataki
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary
Jeŭrapiejcy pryhoža pachłopali prezidentu Ukrainy i dalej «siadziać na zapasach pierachopnikaŭ».
Nu choć adzin jeŭrapiejc zaklikaŭ pieradać ich Ukrainie. Astatnija i hetaha nie zrabili.
Słovy, słovy, słovy ...