Dreva z vaviorkaj dy anioł z hrudziami. U Minsku pradajuć stalinku, dzie možna zdymać fentezi
U prastornaj adnapakajoŭcy kala Traktarnaha spałučylisia bareljefy, cehła, jarkija rośpisy i dyzajnierskaja mebla.
Heta kvatera na vulicy Budzionnaha ŭ Minsku ź sieryi «lepš adzin raz ubačyć». Bo słovami apisać hety palot fantazii davoli składana.
Hledziačy na typovuju stalinku, pabudavanuju ŭ 1955 hodzie, nikoli nie skažaš, što ŭ joj moža być partał u alternatyŭnuju realnaść. Na 40 kvadratach taki aŭtarski ramont, što navat «Kufar» vyrašyŭ zrabić na jaho videahlad.
Z savieckaj leśvičnaj kletki traplaješ ci to ŭ kazku Puškina, ci to ŭ fentezi. Błohierka, jakaja rabiła ahlad, adrazu pačała cytavać: «U Łukomoŕja dub zielonyj…» — bo častku kvatery zajmaje abjomnaje dekaratyŭnaje dreva. Jaho karani iduć z padłohi, a haliny ŭpirajucca ŭ stol.
Na adnoj ź ich možna ŭbačyć fihurku vaviorki. Dziaŭčyna pažartavała, što heta idealnaja kvatera dla Biełaśniežki.
Na ścienach namalavanyja vułački jeŭrapiejskich haradoŭ. Možna pabačyć i bareljef — žančynu-anioła biez hałavy.
Padłoha zaliŭnaja — imituje dreva. A dla zaniravańnia prastory zroblena vializarnaja kvietka. Pryciahvajuć uvahu i cahlanyja padakońniki z nazvami vulic.
Na fonie ŭsiaho hetaha stol, razmalavanaja jak niabiosy z abłokami, užo nie ździŭlaje. Darečy, hladzieć na jaje možna z kruhłaha łožka.
A voś mebla na kuchni vyhladaje tradycyjnaj — kažuć, italjanskaja i vielmi darahaja.
Ułaśnik Dźmitryj zapeŭnivaje, što ŭsie elemienty dekoru zroblenyja ŭručnuju. Ale acharaktaryzavać styl nie moža: kaža, «dyzajnierski, indyvidualny». I zapeŭnivaje: u žyćci ŭsio vyhladaje lepš, čym na fota.
Darečy, Dźmitryj — budučy milicyjanier. Jon vučycca ŭ Akademii MUS.
Prosić jon za adnapakajoŭku $89500.
Pahladzicie, jak kruta pierarabili stalinku kala centra Minska
Stała viadoma, chto atrymaŭ žyllo ŭ «sakretnym» domie pad Drazdami. Siarod ich — siłavik, jaki «vyznačyŭsia» ŭ 2020 hodzie
U Minsku pradajuć stalinku ź vintažnym dafaminavym interjeram
Moža, vam treba 12‑pakajovaja kvatera ŭ Minsku? Majem taki varyjant
Kamientary
A, kali biez žartaŭ, to byŭ ja adnojčy ŭ takoj kvatery. Maje adčuvańni? Šok! Ja nie baču patałok! Jon dzie-ta tam na vyšyni 5, 7, 10 mietraŭ. Šok! A pa płoščy takoje ŭradžańnie, što vy ADZIN dzie-ta zhubilisia na futbolnym poli.
Źviartajuś da patencyjnych pakupikoŭ. Kali hrošy jość, tarhujciesia i kuplajcie. Ličycie, što što kuplajecie hiektar ziamli, cełuju viosku z pryhonnymi sielanami, u centry Minska.