Žančyna viezła z Francyi bolš za 72 tysiačy dalaraŭ — bresckija mytniki ich kanfiskavali
Bolšaść kupiur była ŭ rasijskich rublach.
Bresckaja mytnia raspačała kryminalnuju spravu za sprobu niezakonnaha pieramiaščeńnia praź miažu bujnoj sumy najaŭnych hrošaj.
Pasažyrka lehkavoha aŭtamabila Peugeot, jakaja jechała z Francyi, sprabavała ŭvieźci praz punkt propusku «Brest» bolš za 72 tysiačy dalaraŭ ZŠA ŭ ekvivalencie.
Žančyna skazała mytnamu inśpiektaru, što viazie tolki asabistyja rečy i kala 1500 dalaraŭ. Adnak pry ahladzie jaje bahažu mytniki znajšli sumu, jakaja značna pieravyšała dazvolenuju dla biazmytnaha ŭvozu biez dekłaravańnia. Bolšaść kupiur byli ŭ rasijskich rublach, što bačna na zdymku, jaki apublikavali mytniki.
U dačynieńni da žančyny raspačali kryminalnuju spravu pa č. 2 art. 228 Kryminalnaha kodeksa (niezakonnaje pieramiaščeńnie praz mytnuju miažu hrošaj u bujnym pamiery). Joj pahražaje až da piaci hadoŭ pazbaŭleńnia voli. Usie najaŭnyja hrošy byli kanfiskavanyja da sudovaha rašeńnia.
Kamientary
Nu ja zdahadvajusia što prosta dziela ahučvańnia sumy ale hučyć heta trochu hłupa.