Zialenski: Tańniej nie dać Rasii vyrablać rakiety, čym ratavać enierhasistemu Ukrainy
Prezident Ukrainy Uładzimir Zialenski padčas vystupleńnia na Suśvietnym ekanamičnym forumie ŭ Davosie raskrytykavaŭ Zachad za «zhasłyja» razmovy pra dalnabojnyja rakiety dla Ukrainy i niedastatkovaje supraćdziejańnie abychodu sankcyj suprać Rasii, padkreśliŭšy, što heta supraćdziejańnie abyšłosia b «tańniej», čym tracić srodki na vyratavańnie raźbitaj rasijskimi ŭdarami enierhasistemy Ukrainy, piša «Jeŭrapiejskaja praŭda».
Zialenski adznačyŭ, što Rasija i dalej moža vyrablać rakiety, bo znachodzić sposaby abychodzić zachodnija sankcyi i atrymlivać nieabchodnyja kampanienty.
«Usie ciapier bačać, jak Rasija sprabuje zamarozić ukraincaŭ da śmierci, kali marazy dasiahajuć −20 °C. A Rasija nie zmahła b vyrabić nivodnaj balistyčnaj ci kryłataj rakiety biez klučavych kampanientaŭ ź inšych krain — i ja maju na ŭvazie nie tolki Kitaj», — skazaŭ Zialenski, udakładniŭšy, što havorka idzie taksama pra kampanienty ź Jeŭropy, ZŠA i Tajvania.
«Ciapier układajecca šmat inviestycyj u stabilnaść vakoł Tajvania, kab paźbiehnuć vajny. Ale ci možna zrabić tak, kab tajvańskija kampanii nie pastaŭlali elektronnyja kampanienty dla vajny RF? Jeŭropa praktyčna maŭčyć, ZŠA maŭčać, a Pucin robić rakiety», — zajaviŭ Zialenski.
Jon vykazaŭ padziaku kožnaj krainie i kožnaj kampanii, jakija ciapier dapamahajuć Ukrainie adnaŭlać raźbituju enierhasistemu, a taksama za ŭniosak jeŭrapiejcaŭ u nabyćcio rakiet-pierachopnikaŭ dla ZRK Patriot praz prahramu PURL.
«Ale ci nie było b tańniej i praściej prosta adrezać Rasii dostup da kampanientaŭ, jakija joj patrebnyja dla rakiet? Abo źniščyć zavody, dzie ich vyrablajuć?» — spytaŭ Zialenski, pierajšoŭšy da temy dalnabojnych mahčymaściaŭ.
«Letaś było vielmi šmat razmoŭ pra dalnabojnuju zbroju dla Ukrainy. Usie ŭžo kazali, što rašeńnie vielmi blizka. Ciapier nichto navat nie zhadvaje pra heta, a z rasijskimi rakietami — usio pa-raniejšamu. U nas dahetul jość kaardynaty zavodaŭ, dzie ich źbirajuć.
Siońnia jany laciać pa Ukrainie, a zaŭtra heta moža być niejkaja kraina NATA. Jašče ŭ Jeŭropie nam rajać nie nahadvać amierykancam pra Tomahawk, kab nie psavać nastroj», — zajaviŭ Zialenski.
Taksama jon adznačyŭ, što siły, jakija sprabujuć źniščyć Jeŭropu, nie marnujuć ni dnia i dziejničajuć navat unutry Jeŭrasajuza, pryvioŭšy ŭ prykład vienhierskaha premjera Viktara Orbana, jaki paśladoŭna błakuje antyrasijskija i praŭkrainskija inicyjatyvy Brusiela:
«Kožny Viktar, jaki žyvie na jeŭrapiejskija hrošy, sprabujučy pradać jeŭrapiejskija intaresy, zasłuhoŭvaje atrymańnia pa karku. I kali jon adčuvaje siabie kamfortna ŭ Maskvie, heta nie značyć, što my pavinny dazvolić jeŭrapiejskim stalicam pieratvarycca ŭ maleńkija Moskvy. My pavinny pamiatać, što adździalaje Rasiju ad usich nas».
Zialenski ŭ Davosie: Kali b Jeŭropa dapamahła biełaruskamu narodu ŭ 2020 hodzie, to ŭ Biełarusi siońnia nie było b «Arešnika»
Łukašenka raskazaŭ, čamu nie budzie płacić Trampu miljard za členstva ŭ Radzie miru
Orban — pakul adziny ź lidaraŭ u ES, chto pahadziŭsia na členstva ŭ Radzie miru Trampa
Tramp padpisaŭ statut Rady miru
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary
U chaładamory vinavataja rasija, bo bambić TEC. Tut biez varyjantaŭ.