Zialenski ŭ Davosie: Kali b Jeŭropa dapamahła biełaruskamu narodu ŭ 2020-m, to ŭ Biełarusi siońnia nie było b «Arešnika»
U svajoj pramovie na forumie ŭ Davosie prezident Ukrainy zakranuŭ biaździejnaść Jeŭrapiejskaha sajuza ŭ dačynieńni da narodaŭ, jakija zmahajucca za demakratyju, uspomniŭšy Iran i Biełaruś. I zaklikaŭ da dziejańnia.
«Kali vy admaŭlajeciesia dapamahać narodu, jaki zmahajecca za demakratyju, nastupstvy buduć niehatyŭnymi. Voźmiem Biełaruś u 2020 hodzie, heta vydatny prykład. Nichto nie dapamoh narodu Biełarusi, i ciapier rasijskija rakiety «Arešnik» raźmieščanyja ŭ Biełarusi, zdolnyja bić pa bolšaści jeŭrapiejskich stalic. Hetaha b nie zdaryłasia, kali b biełaruski narod pieramoh u 2020 hodzie.
My nieadnarazova kazali našym jeŭrapiejskim partnioram, dziejničać treba nieadkładna, dziejničać suprać hetych rakiet u Biełarusi. Tamu što rakiety — heta nikoli nie dekaracyja. Adnak Jeŭropa žyvie «ŭ režymie Hrenłandyi», heta značyć u režymie «moža być kali-niebudź chto-niebudź niešta zrobić», — skazaŭ Uładzimir Zialenski.
Prezident Ukrainy adznačyŭ, što niadaŭna śviet staŭ śviedkam chutkaj apieracyi ZŠA ŭ Vieniesuele i zatrymańnia jaje kiraŭnika Nikałasa Madura, jakoha ciapier buduć sudzić u Ńju-Jorku. U toj ža čas prezident Rasii za ŭsio zło, jakoje nanios Ukrainie i praciahvaje nanosić, dahetul nie pakarany.
«Madura zatrymany, i vakoł hetaha jość roznyja mierkavańni — ale fakt zastajecca faktam. Madura buduć sudzić u Ńju-Jorku. Prabačcie, ale Pucin dahetul nie ŭ sudzie. Idzie čaćviorty hod najbujniejšaj vajny ŭ Jeŭropie paśla Druhoj suśvietnaj. A toj, chto jaje pačaŭ, nie prosta na voli — jon jašče i zmahajecca za svaje zamarožanyja aktyvy ŭ Jeŭropie», — skazaŭ Zialenski.
Jon dadaŭ, što ŭ dyskusijach časta nie zhadvajuć Mižnarodny kryminalny sud praz staŭleńnie da jaho ZŠA, asabliva padčas administracyi Trampa.
«Ale ŭ toj ža čas niama realnaha prahresu ŭ stvareńni śpiectrybunału dla pryciahnieńnia Rasii da adkaznaści za ahresiju suprać Ukrainy… U nas jość damoŭlenaść, heta praŭda. Praviedziena šmat sustreč, ale Jeŭropa dahetul navat nie vyznačyła miesca dla trybunału ź piersanałam i faktyčnaj pracaj. U čym prablema — niama času ci niama palityčnaj voli? U Jeŭropie zanadta časta niešta važniejšaje za spraviadlivaść», — padkreśliŭ Zialenski.
Ukrainski prezident zajaviŭ, što Jeŭropa «paźbiahaje mier», jakija vyznačajuć jaje budučyniu. U hetym kantekście jon zhadaŭ pra cieniavy fłot Rasii, jakim rasijskaja nafta pastaŭlajecca na kantynient.
Zialenski pryvioŭ prykład, što prezident ZŠA Donald Tramp moža spyniać rasijskija tankiery.
«Jeŭropa lubić abmiarkoŭvać budučyniu, ale paźbiahaje prymać miery siońnia, miery, jakija vyznačajuć, jakuju budučyniu my atrymajem — voś u čym prablema. Čamu prezident Tramp moža spynić tankiery cieniavoha fłotu i pieraškodzić pastaŭkam nafty, a Jeŭropa — nie?» — źviarnuŭsia jon da ŭdzielnikaŭ forumu.
Zialenski padkreśliŭ, što spyniajučy pastaŭki rasijskaj nafty, Jeŭropa abaraniaje svajo nasielnictva.
«Rasijskaja nafta transpartujecca ŭzdoŭž jeŭrapiejskich bierahoŭ, jana spryjaje vajnie suprać Ukrainy, jana dapamahaje paralizavać Jeŭropu, tamu rasijskuju naftu treba spynić, kanfiskavać i pradać na karyść Jeŭropy. Čamu b i nie? Kali ŭ Pucina nie budzie hrošaj, dla Jeŭropy nie budzie vajny», — skazaŭ Zialenski.
Uitkaf abiacaje Ukrainie paśla vajny ekanamičny cud
Łukašenka raskazaŭ, čamu nie budzie płacić Trampu miljard za členstva ŭ Radzie miru
Tramp admianiŭ padpisańnie ŭ Davosie pahadnieńnia ab pavajennym adnaŭleńni Ukrainy na 800 miljardaŭ dalaraŭ
Zialenski prakamientavaŭ zaprašeńnie Ukrainy ŭ Radu miru razam ź Biełaruśsiu i Rasijaj
Kamientary
Eŭropa 27% suśvietnaha VUP, Manhoła - Maskoŭski ułus (jak pisaŭ K. Marks) 1%. Kali by Eŭropa vyrašyła spynić Maskoŭski drapiežny impieryjalizm. Nie hetaj vajny, nie dyktatury, nie Manhoła - Maskoŭskaha ułusa užo daŭno nie było by. Siońnia słuchali by ŭ Miensku muzykaŭ z Ałani, Hladzieli by stužki na tuvisnakaj movie, vyrablali BMV ŭ Harodni.