Cyrymonija adbyłasia ŭ Kuska, histaryčnaj stalicy impieryi inkaŭ.
27 červienia 2026 hoda Nacyjanalnaja słužba mihracyi Pieru uručyła Tytuł pieruanskaha hramadzianstva piaci asobam, jakija naradzilisia za miažoj i pastajanna žyvuć u rehijonie Kuska. Siarod ich — hramadzianka Biełarusi.
Novyja pieruancy pryjechali z Balivii, Biełarusi, Kuby, Turcyi i Vieniesueły. Usie jany atrymali hramadzianstva pa padstavie šlubu — hety miechanizm raźličany na zamiežnikaŭ, jakija bolš za dva hady znachodziacca ŭ šlubie z hramadzianinam Pieru i vyrašyli pasialicca ŭ krainie. Padčas cyrymonii jany prynieśli prysiahu na viernaść krainie, pavahu da Kanstytucyi Pieru i nacyjanalnych simvałaŭ.
Biełaruska ŭ hetym pieraliku — Iryna Uścinovič Fiernandez. Miarkujučy pa sacsietkach, jana minčanka, u pačatku 2010‑ch skončyła BDEU. Pačynajučy ź siaredziny 2010‑ch u fejsbuku Iryny ŭsio čaściej źjaŭlajucca krajavidy Pieru.
«Ty ŭžo stała padobnaja da pieruanki!» — žartuje siabroŭka Iryny ŭ kamientarach. «I čamu mnie nie vierać, što ja ź Biełarusi», — śmiajecca taja ŭ adkaz.
Pa praviłach Pieru admaŭlacca ad druhoha hramadzianstva nie treba, možna pakinuć sabie i biełaruskaje. Z pašpartam Pieru adkrytaja šenhienskaja zona, a voś pry pajezdcy ŭ ZŠA treba mieć vizu.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec8
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1616
Kamientary
Miesto, v kotorom dołžien pobyvať každyj, dla koho russkij jazyk javlajetsia rodnym – eto hora Ñahui , i niebolšoje posielenije riadom s niej Ñahui Chapi.
Eto v Pieru. I eto, diejstvitielno, očień daleko.