Što pahražaje biełarusam, kali dzicia zastaniecca adno ŭ mašynie ŭ śpiakotu
U letniuju śpioku sałon aŭtamabila chutka nahravajecca, pracujučy pa pryncypie parnika. Navat adčynienyja vokny nie vyrašajuć prablemu: biez pracujučaha ruchavika kandycyjanier nie achałodžvaje pavietra ŭnutry.
U zonie ryzyki ŭ takuju śpiakotu — dzieci i žyvioły, jakich pakidajuć u mašynie, piša «Minskaja praŭda». Arhanizm dziciaci, naprykład, pierahravajecca ŭ 3‑5 razoŭ chutčej, čym u darosłaha. U hadavanca ž ciepłavy ŭdar moža nastupić užo praz 5‑10 chvilin znachodžańnia ŭ začynienym aŭtamabili.
Štraf i kryminalnaja adkaznaść
Pakidajučy dzicia da 7 hadoŭ adno ŭ aŭtamabili, baćki parušajuć PDR. Za heta praduhledžany štraf.
Kali ž dzicia apyniecca ŭ niebiaśpiečnym dla žyćcia stanie, a darosły nie akaža dapamohu abo nie paviedamić pra nieabchodnaść takoj, moža nastupić kryminalnaja adkaznaść pa artykule 159 KK Respubliki Biełaruś.
Što rabić, kali vy ŭbačyli začynienaje ŭ mašynie dzicia abo žyviołu
Kali vy stali śviedkam situacyi, kali ŭ začynienym aŭtamabili ŭ śpiakotu zastałosia dzicia abo chatniaja žyvioła, nie prachodźcie mima. Nieadkładna treba patelefanavać pa numarach: 102 abo 112, bo chvilinnaja biesturbotnaść moža pryvieści da trahiedyi.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary