Urad Izraila ŭchvaliŭ adpaviednuju prapanovu ministra zamiežnych spraŭ Hideona Saara. Heta pieršaje aficyjnaje pryznańnie hienacydu armian na ŭzroŭni izrailskaha ŭrada.
Pavodle słoŭ Saara, rašeńnie pryniataje «z maralnaha i histaryčnaha abaviazku». Jon adznačyŭ, što dla jaŭrejaŭ i dziaržavy jaŭrejskaha naroda heta źjaŭlajecca maralnym abaviazkam, dadaŭšy: «Nikoli nie pozna zrabić pravilna».
Havorka idzie pra padziei, jakija pačalisia ŭ krasaviku 1915 hoda ŭ apošnija hady isnavańnia Asmanskaj impieryi. Tady spačatku ŭ Kanstancinopali byli aryštavanyja, departavanyja i zabityja sotni pradstaŭnikoŭ armianskaj intelihiencyi, paśla čaho pačałosia sistematyčnaje źniščeńnie armianskaha nasielnictva. Pavodle acenak historykaŭ, u vyniku hetaha zahinuli kala 1,5 miljona čałaviek.
Da hetaha času hienacyd armian aficyjna pryznali bolš za 30 dziaržaŭ, u tym liku ZŠA, šerah krain Jeŭrapiejskaha sajuza, Kanada, Rasija i Arhiencina.
Turcyja pryznaje fakt masavaj hibieli armian u 1915 hodzie, adnak nie pahadžajecca z vykarystańniem termina «hienacyd» i asprečvaje acenki kolkaści achviar.
Raniej Izrail ustrymlivaŭsia ad aficyjnaha pryznańnia, u tym liku praz ryzyku paharšeńnia adnosin z Turcyjaj i mahčymy ŭpłyŭ na stratehičnaje partniorstva z Azierbajdžanam. Aficyjny Jerevan pakul nie prakamientavaŭ rašeńnie izrailskaha ŭrada.
Džej Dzi Vens vydaliŭ tvit pra hienacyd armianaŭ pierad vizitam u Azierbajdžan
Pašynian paprasiŭ zvolnicca dyrektarku Instytuta hienacydu armian, bo jana zrabiła palityčna niapravilny padarunak vice-prezidentu ZŠA
Kanhres ZŠA pryznaŭ hienacydam źniščeńnie armian u Asmanskaj impieryi
Erdahan adkazaŭ na abvinavačvańni ŭ hienacydzie armian
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary