U Saudaŭskaj Aravii ŭ vyniku krušeńnia viertalota nacyjanalnaj naftavaj kampanii Saudi Aramco zahinuli 14 čałaviek. Trahiedyja adbyłasia ranicaj 28 červienia ŭ horadzie Ras-Tanura na ŭschodzie krainy.

Pryčyny avijakatastrofy pakul nieviadomyja. Adpaviednyja słužby pravodziać rasśledavańnie i vyśviatlajuć usie abstaviny zdareńnia. Pavodle infarmacyi ŭładaŭ, usie zahinułyja — hramadzianie Saudaŭskaj Aravii.
Ras-Tanura źjaŭlajecca adnym z najbujniejšych centraŭ naftapierapracoŭki ŭ rehijonie. Na hety momant saudaŭskija ŭłady nie źviazvajuć krušeńnie viertalota z mahčymaj atakaj na pramysłovuju infrastrukturu.
Fłot Saudi Aramco naličvaje kala 60 pavietranych sudnaŭ, a viertaloty kampanii absłuhoŭvajuć bolš za 300 viertalotnych placovak pa ŭsioj krainie.
Kamientary