Niezvyčajnaja kampazicyja ŭ centry Varšavy abjadnała try narody. Na svaju fihuru biełarusy sabrali hrošy sami
Karystalniki sacsietak zaŭvažyli kala adnaho z katalickich chramaŭ u centry Varšavy niezvyčajnuju skulpturnuju kampazicyju ź simvałami troch krain — Polščy, Biełarusi i Ukrainy. Tyja, chto nie ŭ temie, nie zrazumieli sens instalacyi, niekatoryja vykazali sumnieŭ, jakuju krainu simvalizuje adna ź fihur — Biełarusi ci Litvy? Vydańnie Katolik.life daviedałasia pra novuju kampazicyju i raskazała padrabiaznaści pra jaje.
Havorka idzie pra kaladnuju batlejku, jakaja była dapoŭnienaja sioleta fihurami Troch Karaloŭ i ŭstalavanaja kala kaścioła Śviatoha Alaksandra na płoščy Troch Kryžoŭ. Heta — «Kaladnaja batlejka troch narodaŭ», jakuju možna ŭbačyć kala chrama da 2 lutaha ŭklučna.
Sioleta źjaviłasia ideja zrabić batlejku mižnarodnaj. Novyja fihury Troch Karaloŭ sapraŭdy simvalizujuć Polšču, Biełaruś i Ukrainu, jakija prynosiać svaje dary Dziciaci Jezusu.
Pierad aśviačeńniem fihur u kaściole prachodziła supolnaja Imša palakaŭ, biełarusaŭ i ŭkraincaŭ. Słužbu z udziełam dušpastyra biełarusaŭ-katalikoŭ u Varšavie ksiandza Viačasłava Barka adpraŭlali na polskaj movie z elemientami biełaruskaj i ŭkrainskaj moŭ — u znak adzinstva i ŭzajemnaj pavahi narodaŭ.
Biełarusy sami sabrali hrošy na svaju fihuru z histaryčnym hierbam krainy, jakaja abyšłasia ŭ 15 tysiač złotych (bolš za 3500 jeŭra), kab zaśviedčyć: tut jość biełarusy, supolnaść žyvie i pamiataje pra svaje karani.
Hetaja płošča — simvaličnaje miesca na karcie Varšavy, jakoje znachodzicca na sutyku važnych arteryj horada, u rajonie pasolstvaŭ i mižnarodnych ustanoŭ. U parafii vyrašyli, što miesca patrabuje «paviedamleńnia, jakoje budzie čytanym dla ŭsich», i vyrašyli stvaryć kaladnuju batlejku jak znak miru i dyjałohu. Aŭtaram skulptur źjaŭlajecca Faŭstyna Makaruk.
U Polšču z Hiermanii viarnuŭsia vyviezieny nacystami archiŭ ź piačatkami Vitaŭta i Jahajły
«Biełarusy dastatkova mudryja, kab čakać». Sieviaryniec vystupiŭ u Vilni
Što adbyvajecca z vyzvalenymi katalickimi śviatarami i čamu jany maŭčać
Małady ksiondz biełarusizavaŭ parafiju na radzimie Franciška Bahuševiča
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary