«Biełavija» nakryŭ maštabny zboj u rasijskaj sistemie braniravańnia avijakvitkoŭ
Z-za maštabnaha techničnaha zboju ŭ rasijskaj sistemie braniravańnia kvitkoŭ Leonardo («Sirena-Trevieł») u biełaruskaj avijakampanii «Biełavija» časova niemahčyma aformić, pamianiać abo viarnuć avijakvitki, a taksama nabyć dadatkovyja pasłuhi.
Abmiežavańni dziejničajuć va ŭsich kanałach prodažu — na sajcie belavia.by, u kasach prodažu i ŭ ahientaŭ, paviedamili ŭ pres-słužbie pieravozčyka.
U kampanii adznačyli, što śpiecyjalisty zastajucca na suviazi i praciahvajuć pracu ŭ najaŭnych umovach. Pra ŭsie źmieny i adnaŭleńnie narmalnaj pracy servisaŭ «Biełavija» paabiacała paviedamić dadatkova.
Krychu bolš jak praz hadzinu paśla pieršaha paviedamleńnia avijakampanija «Biełavija» paviedamiła, što praca sistemy adnoŭlena.
Raniej adrazu niekalki rasijskich avijakampanij paviedamili pra maštabny zboj u sistemach braniravańnia i rehistracyi pasažyraŭ. Prablemy ŭźnikli adrazu ŭ niekalkich klučavych sistemach — braniravańnia Leonardo, rehistracyi «Astra» i prodažaŭ «Sirena».
Pra zboi papiaredzili takija pieravozčyki, jak «Aerafłot», Azur Air, «Jamał», S7, «Uralskija avijalinii», Utair, «Ižavija», Smartavia i «Aŭrora». U vyniku ŭ Rasii časova abmiežavanyja rehistracyja pasažyraŭ i bahažu na rejsy, a taksama afarmleńnie, pieraafarmleńnie i viartańnie avijabiletaŭ.
Pavodle acenak Asacyjacyi turapierataraŭ, incydent zakranuŭ kala 20 tysiač pasažyraŭ.
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami8
Kamientary