Pamiatajecie fota, jak ściuardesa «Biełavija» adpačyvała ŭ turbinie samalota? Dziaŭčyna raspaviała jaho historyju
Miemy ź biełaruskaj Viktoryjaj Nikałajenka i pa siońnia hulajuć u internecie. Dziaŭčyna ŭžo zvolniłasia z «Biełavija». U Threads jana vyrašyła raspavieści historyju taho, jak niečakana stała zorkaj.
Voś što adbyvałasia ŭ toj samy dzień: «Ja vielmi stamiłasia ŭ stykovačnym rejsie (kali rejs tudy i nazad dva razy). Heta byŭ moj druhi rejs, pasažyry byli ŭžo na borcie, ja čakała bahaž ź inšaha rejsa. U «Biełavija» jość abaviazak u bortpravadnikoŭ sačyć za bahažom. Nohi advalvalisia, pakul ja čakała čamadany, vyrašyła prysieści».
Viktoryja kaža, što pa technicy biaśpieki kala turbiny časta staviać konusy, kab paźbiehnuć incydentaŭ. Ale samalot byŭ na stajancy, i jana dakładna viedała, što ruchaviki nie ŭklučać.
Niechta z pasažyraŭ u samalocie sfatahrafavaŭ stomlenuju dziaŭčynu i vykłaŭ u internet. Potym hety zdymak apublikavaŭ ruskamoŭny zabaŭlalny sajt Pikabu — jaho karystalniki pačali hienieryravać miemy.
Dalej temu padchapili i na roznych anhłamoŭnych placoŭkach. Śmieła možna skazać, što fota razyšłosia pa ŭsim śviecie. I čas ad času znoŭ źjaŭlajecca niedzie — try hady tamu, naprykład, pra jaho zhadali na Reddit.
Viktoryja kaža, što joj pieryjadyčna pišuć ludzi, jakija cikaviacca tym fota. Kaniečnie, adno z samych papularnych pytańniaŭ — ci pakarali ściuardesu za toje, što jana adpačyvała ŭ turbinie. Tamu što techniku biaśpieki ściuardesa sapraŭdy parušyła.
Pra niečakanuju słavu Viktoryja daviedałasia, kali kalehi pačali dasyłać joj roznyja miemy. Pryznajecca, što vielmi chvalavałasia, jak adreahuje kiraŭnictva. U toj čas dziaŭčyna tolki niadaŭna pryjšła ŭ avijakampaniju i vielmi bajałasia, što jaje zvolniać.
Ale ŭ vyniku kiraŭnik prosta pažartavaŭ: «Nu što ty, zorka?». A ŭ kalektyvie historyja taksama stała miemnaj.
«Naša Niva» — bastyjon biełaruščyny
PADTRYMAĆ«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary