U «Biełavija» raskazali, čamu padčas rejsaŭ pasažyraŭ nie kormiać dranikami
U avijakampanii «Biełavija» raskazali, čamu ŭ bartavym mieniu avijapieravozčyka dahetul niama dranikaŭ. Jak patłumačyła vydańniu Tochka.by načalnica kompleksu naziemnaha absłuhoŭvańnia avijakampanii Halina Kaŭšova, pryhatavać hetuju stravu dla padačy ŭ samalocie akazałasia nie tak prosta.
«Draniki — pradukt davoli składany, kab padać stravu ŭ samalocie mienavita tak, jak my lubim u Biełarusi, z pyłu z žaru. A toje, što dojdzie da pasažyra paśla hatavańnia i papiaredniaha padahrevu na borcie, nas nie zadavalniaje. Projdzie davoli šmat času, dranik nie budzie ŭžo tym samym smačnym i haračym, kali jon prynosić samuju vialikuju asałodu», — prakamientavała pradstaŭnica avijapieravozčyka.
Halina Kaŭšova adznačyła, što ježa ŭ palocie nie pavinna rasčaroŭvać pasažyra.
«Tamu i niama ŭ mieniu dranikaŭ. Ale my pracujem nad hetym. I kali atrymajecca damahčysia taho smaku, jaki nam spadabajecca, tady i na borcie pačniom padavać hetuju stravu», — zapeŭniła jana.
Akramia taho, Belavia pakazała žurnalistam dadatkovaje bartavoje charčavańnie. Takaja opcyja ŭ palocie płatnaja. Jana dadajecca ŭ braniravańnie na sajcie avijakampanii ŭ raździele «Status braniravańnia» nie paźniej čym za 25 hadzin da vyletu.
Na vybar pasažyram prapanujuć sety ź piražkoŭ.
«My doŭha dumali pra toje, jakuju stravu prapanavać, kab jaje było smačna i zručna jeści ŭ samalocie. I kab heta było z adcieńniem čahości samabytnaha. Nie chot-doh ci burhier. I było vyrašana, što dobrymi buduć piražki. Jany dajuć niejkuju chatniuju ŭtulnaść. I nam zachaciełasia voś tak paradavać našych pasažyraŭ, zrabić palot kamfortnym», — adznačyła Halina Kaŭšova.
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
Kamientary