Asianiki, jany ž asiany ci asieniki z Mahiloŭskaha rajona, ciapier pretendujuć na ŭklučeńnie ŭ Śpis niemateryjalnaj kulturnaj spadčyny UNESCO. Pra heta napisała vydańnie «Biełaruś siehodnia», spasyłajučysia na zahadčycu siektara kultury Mahiloŭskaha rajvykankama Natallu Homanavu.
Pavodle słoŭ čynoŭnicy, asianiki — heta brend Mahiloŭskaha rajona. Natalla Homanava śćviardžaje, što jany nahadvajuć draniki, ale akramia bulby ŭ ich dadajuć i inšuju harodninu, vyraščanuju na prysiadzibnych učastkach: harbuz, morkvu, cybulu, a taksama zielaninu — krop, piatrušku.
Miascovaja rajonka «Prydniaproŭskaja niva» ŭžo amal upeŭniena, što asianiki chutka buduć ŭklučany ŭ śpis JUNIESKA. Pa infarmacyi haziety, recept hetaj stravy zachavała Raisa Iljinična Vysocina, a joj jaho kaliści pieradała maci, Volha Aŭramaŭna Furmanava. Vysocina raskazała pra recept padčas falkłorna-etnahrafičnaj ekśpiedycyi 30 vieraśnia 2021 hoda.
Praŭda, inšyja mahiloŭcy sumniajucca ŭ tym, što hety recept sapraŭdy źjaŭlajecca brendam rehijonu i dastojny ŭklučeńnia ŭ śpis suśvietnaj spadčyny. Vydańnie Mogilev.Media źviartaje ŭvahu, što mała taho, što pra hetu stravu niama nijakich zhadak u daviednikach pra biełaruskuju nacyjanalnuju kuchniu, ale i apytanyja mahiloŭcy i žychary Mahiloŭskaha rajona ničoha nie zmahli raskazać pra smak asianikaŭ.
Viktar Łukašenka zaśviaciŭ na pasiadžeńni NAK svoj hadzińnik — ciažki luks30
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary