«Белавія» накрыў маштабны збой у расійскай сістэме браніравання авіяквіткоў
З-за маштабнага тэхнічнага збою ў расійскай сістэме браніравання квіткоў Leonardo («Сірэна-Трэвел») у беларускай авіякампаніі «Белавія» часова немагчыма аформіць, памяняць або вярнуць авіяквіткі, а таксама набыць дадатковыя паслугі.
Абмежаванні дзейнічаюць ва ўсіх каналах продажу — на сайце belavia.by, у касах продажу і ў агентаў, паведамілі ў прэс-службе перавозчыка.
У кампаніі адзначылі, што спецыялісты застаюцца на сувязі і працягваюць працу ў наяўных умовах. Пра ўсе змены і аднаўленне нармальнай працы сэрвісаў «Белавія» паабяцала паведаміць дадаткова.
Крыху больш як праз гадзіну пасля першага паведамлення авіякампанія «Белавія» паведаміла, што праца сістэмы адноўлена.
Раней адразу некалькі расійскіх авіякампаній паведамілі пра маштабны збой у сістэмах браніравання і рэгістрацыі пасажыраў. Праблемы ўзніклі адразу ў некалькіх ключавых сістэмах — браніравання Leonardo, рэгістрацыі «Астра» і продажаў «Сірэна».
Пра збоі папярэдзілі такія перавозчыкі, як «Аэрафлот», Azur Air, «Ямал», S7, «Уральскія авіялініі», Utair, «Іжавія», Smartavia і «Аўрора». У выніку ў Расіі часова абмежаваныя рэгістрацыя пасажыраў і багажу на рэйсы, а таксама афармленне, пераафармленне і вяртанне авіябілетаў.
Паводле ацэнак Асацыяцыі тураператараў, інцыдэнт закрануў каля 20 тысяч пасажыраў.
«Месячны плацеж пацягне на 340 рублёў». Што будзе ў Беларусі з мабільным інтэрнэтам?21
Каментары