Zbornaja Biełarusi pa mini-futbole zachoŭvaje mizernyja šancy na vychad u čverćfinał Jeŭra-2026
Dla hetaha ŭ zaklučnym tury hrupavoha etapu pavinny adbycca šerah nievierahodnych umoŭ, piša football.by.
Napiaredadni biełarusy paciarpieli druhuju parazu na turniry — ad kamandy Ispanii (0:2), a adna z haspadaroŭ čempijanatu, zbornaja Słavienii, dzie hulajuć biełarusy, była macniejšaj za kamandu Bielhii (5:4).
Turnirnaje stanovišča paśla dvuch turaŭ:
- Ispanija — 6 bałaŭ
- Słavienija — 3
- Bielhija — 3
- Biełaruś — 0
Takim čynam, kab zaniać druhoje miesca ŭ hrupie i vyjści ŭ čverćfinał, zbornaj Biełarusi nieabchodna vykanańnie dvuch umoŭ:
- paraza Bielhii ź lubym likam ad Ispanii;
- pieramoha Biełarusi nad Słavienijaj z roźnicaj nie mienš za siem miačoŭ.
Pry roŭnaj kolkaści bałaŭ pieršym kryteryjem dla vyznačeńnia miescaŭ kamand u turnirnaj tablicy źjaŭlajucca asabistyja sustrečy.
Kali Biełaruś, Bielhija i Słavienija nabiaruć pa try bały, u pieršuju čarhu budzie ŭličvacca roźnica miačoŭ u matčach pamiž hetymi tryma kamandami. U bielhijcaŭ jana ciapier składaje +3 i ŭžo nie źmienicca, a ŭ biełarusaŭ — minus 4.
Mienavita hetym i tłumačycca nieabchodnaść pieramohi našaj kamandy nad słaviencami z roźnicaj nie mienš za siem miačoŭ.
Matčy Słavienija — Biełaruś i Ispanija — Bielhija adbuducca ŭ čaćvier, 29 studzienia, i abodva pačnucca a 19:30.
Kamientary