Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski
Haspadary daviedalisia pra heta tolki paśla taho, jak hości z uschodu źjechali, pakinuŭšy śmiećcie.
Pra svoj niepryjemny dośvied zdačy kvatery ŭ arendu raspaviała ŭ Threads maładaja maci z Mahilova.
Biełaruska Darja znachodzicca ŭ adpačynku pa dohladzie za dziciom. Jana zdaje kvateru ŭ Mahilovie — 75 rubloŭ u budnija dni, 85 rubloŭ u vychodnyja. I 40‑50 rubloŭ, kali ŭ kahości ŭźnikła pilnaja patreba spynicca na niekalki hadzin.
Niadaŭna tuju kvateru praz servis sutochno.ru zabraniravała maładaja siamja z Rasii — Jaŭhien z žonkaj i siamihadovym dziciom.
Darja adrazu papiaredziła, što nie zmoža sama zasialić haściej, ale adpraviła padrabiaznuju instrukcyju, jak rasijanie mohuć zrabić heta samastojna. I, kaniečnie ž, padrychtavała kvateru da pryjezdu ludziej.
Adnak u dzień pryjezdu siamja raptam admianiła broń. Situacyja, kaniečnie, niepryjemnaja, ale ž usio byvaje — mahli ž źmianicca płany ŭ ludziej. Ale kali maci Darji praź niejki čas pryjšła ŭ kvateru, to pabačyła poŭnuju śmietnicu, vałasy na padłozie i vilhotny ručnik u vannaj. Atrymlivajecca, rasijanie ŭsio ž biaspłatna skarystalisia kvateraj — bo mieli instrukcyju, jak zajści.
Maładaja maci była ŭ šoku, bo ŭpieršyniu z takim sutyknułasia. Kaniečnie, Darja źviazałasia z chitrym arandataram. Toj u adkaz na spraviadlivyja pretenzii tolki ŭdakładniŭ, jakoje śmiećcie jany pakinuli.
U kamientaryjach maładoj maci spačuvajuć i rekamiendujuć nastupnym razam kazać haściam, jak trapić u kvateru, tolki paśla taho, jak prajšła apłata. Niechta padzialiŭsia i dośviedam, jak brać najaŭnyja, nie sustrakajučysia ź ludźmi — naprykład, skidać instrukcyju dostupu tolki paśla taho, jak hości dasłali videa, jak kładuć hrošy ŭ paštovuju skryniu.
Varta patłumačyć, što ŭ cyvilizavanych servisach, kštałtu Bukinha, bolšaść braniravańniaŭ ažyćciaŭlajecca z pryviazkaj bankaŭskaj kartki. Ale kali pracavać z klijentami z Rasii i ŭličvać ich sankcyjnyja realii, to niemahčyma patrabavać abaviazkovaj bieznajaŭnaj apłaty. Tamu i davodzicca pahadžacca na najaŭnyja. Jakija, jak pakazvaje mahiloŭskaja situacyja, možna i nie atrymać.
Siamja z Rasii haniała pa Biełarusi na kaśmičnaj chutkaści, a ciapier hanarycca kolkaściu apłačanych štrafaŭ
«Mnie byccam nas*ali ŭ kubak, a potym zatušyli tudy niedakurki»: rasijanka raskrytykavała minski aeraport
«My dumali, Minsk — kałhasny horad». Rasijanka ščyra ździviłasia, čamu adhrabła ŭ tyktoku ad biełarusaŭ
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam
Były ministr kultury Rusłan Čarniecki znajšoŭ sabie padpracoŭku9
Kamientary
achacha, śviataja naivnosť :)
Maŭlaŭ - pryjechaŭ, vypiŭ, naškodziŭ - depazit zabirajem. Vizy i depazit taksama pavinny być na tranzit dla Rasiejan.