Siamja z Rasii haniała pa Biełarusi na kaśmičnaj chutkaści, a ciapier hanarycca kolkaściu apłačanych štrafaŭ
Viktoryja Ślatkova pachvaliłasia ŭ Threads sumnieŭnym dasiahnieńniem. Padčas adpačynku ŭ Biełarusi jana z mužam sabrała štrafaŭ za pieravyšeńnie chutkaści bolš čym na 3600 rubloŭ. Na abureńnie biełarusaŭ žančyna reahuje z naśmieškaj: «My zapłacili za hetaje biezzakońnie!»
Sama Viktoryja rodam ź Biełarusi, ale žyvie z mužam-rasijaninam na jaho radzimie. Niadaŭna Ślatkovy pajechali ŭ hości da svajakoŭ žančyny na svaim Genesis G70 — premijalnym brendzie Hyundai. I vyrašyli nie strymlivać siabie na biełaruskich darohach.
Jak vynik — bolš za dziesiać štrafaŭ za pieravyšeńnie chutkaści na ahulnuju sumu bolš čym na 3600 rubloŭ. Ličby na kvitancyjach uražvajuć — schavanyja kamiery zafiksavali pieravyšeńni chutkaści na 25‑76 kiłamietraŭ na hadzinu.
Ale ž sama Viktoryja bačyć u hetym nahodu dla žartaŭ i navat honaru. U Threads jana apublikavała fotazdymak z haroj listoŭ ščaścia ad DAI i padpisała jaho: «Voś tak vyhladaje pajezdka ŭ Biełaruś na 100 tysiač [rasijskich] rubloŭ». Nie zabyła i dadać šmat smajłaŭ. Vyhladaje, što žančyna sapraŭdy ličyć takija pryhody śmiešnymi.
U kamientaryjach biełarusy aburajucca biezadkaznymi pavodzinami Viktoryi i jaje muža — mienavita jon kiravaŭ aŭtamabilem: «Usie bravyja chłopcy potym sopli na kułak namotvajuć u sudzie, kali ludziej na toj śviet adpraŭlajuć. Kolki ŭžo takich bačyli i kolki jašče, na žal, ubačym. Sami žyć nie chočacie — vaša sprava. Dyk vy ž jašče ludziej na toj śviet zabirajecie», «A potym aburajucca: «Čamu bulbašy tak niezadavoleny?» Tut karali pryjechali ŭ naš utulny dom i lotajuć u nasielenych punktach 129 kiłamietraŭ u hadzinu. Miakka kažučy, niepavaha».
Viktoryja ž na takoje reahuje znoŭ šmatlikimi smajłami. Jana adkazvaje, im padabajecca jeździć chutka. I navat paćviardžaje, što sama kazała mužu za styrnom: «Hani!».
Na repliku: «Heta p…c! 147, 136, dzie abmiežavańni 60-70… Byccam by i hanaryciesia hetym», žančyna napisała: «Tak, hanarymsia, i što?».
Adzinaje, što Viktoryju zasmučaje va ŭsioj historyi — heta toje, što navihatar nie papiaredziŭ pra schavanyja kamiery DAI.
Niechta sprabavaŭ žartavać u adkaz i dziakavaŭ za papaŭnieńnie biełaruskaha biudžetu. Ale bolšaść pisała davoli žorstkija kamientary. Niekatoryja navat pytalisia, dzie padpisać pietycyju na zabaronu na ŭjezd u Biełaruś hetaj siamji i tehali aficyjny akaŭnt biełaruskaj milicyi.
Chtości papiaredziŭ, što, kali ŭ nastupny raz spynić DAI, tolki štrafam abyścisia nie atrymajecca — chutčej za ŭsio, pazbaviać paśviedčańnia kiroŭcy.
Pry hetym Viktoryja zapeŭnivaje, što štrafy ŭžo apłačany — bo katacca da svajakoŭ u Biełaruś jany i dalej płanujuć. A ŭsim šakavanym biełarusam adkazvaje: «My zapłacili za hetaje biezzakońnie!»
«Kamiera nastolki krutaja, što možna ŭbačyć madel telefona». Kiroŭcy raskazvajuć, jak DAI adsačyła ich z telefonam za styrnom
Rasijanku-ipešnicu, jakaja pierajechała ŭ Słonim, u Biełarusi pryznali darmajedkaj
«Mnie byccam nas*ali ŭ kubak, a potym zatušyli tudy niedakurki»: rasijanka raskrytykavała minski aeraport
«Jakija vy ŭsie śmiardziučyja, ahidnyja, apranajeciesia byccam na pamyjcy»: pryhažunia z Rastova raskrytykavała biełarusak
Ciapier čytajuć
U Minsku pradajuć dom na vadzie. Kolki prosiać za niezvyčajny abjekt na Čyžoŭskim vadaschoviščy?3
Kamientary
Pišycie narmalnaj biełaruskaj movaj.
Chto prydumaŭ hetaje debilnaje "listy ščaścia"?