U aeraporcie Banhkoka złavili ściuardesu, jakaja sprabavała pravieźci pad adzieńniem 30 čarapach
Kantrabandystcy pahražaje da 10 hadoŭ turmy.
U mižnarodnym aeraporcie Suvarnabchumi ŭ Banhkoku mytniki zrabili znachodku, jakaja ździviła i šakavała navat daśviedčanych supracoŭnikaŭ. Jany spynili 19‑hadovuju dziaŭčynu z Tajvania, jakaja źbirałasia vylecieć u Tajbej — i znajšli 30 žyvych čarapach, schavanych u jaje pad adzieńniem.
Jak paviedamlaje Bild sa spasyłkaj na Bangkok Post, žyvioły byli prymacavanyja da cieła skotčam i źmieščany ŭ nievialikija miašočki. Vierahodna, tak kantrabandystka sprabavała paźbiehnuć vyjaŭleńnia čarapach pry zvyčajnaj praviercy bahažu. Skaniery cieła nie zaŭsiody dajuć hetak ža vyraznyja vyjavy, jak skaniery bahažu. Na heta, vidavočna, i byŭ raźlik. Havorka idzie pra indyjskich zorčatych čarapach (Geochelone elegans) — vid stroha achoŭvajecca, tamu zapatrabavany na čornym rynku.
Dla žyvioł taki sposab pieravozki aznačaje hadziny pakut. U ich amal niama pavietra, niama vady, jany nie mohuć ruchacca. Mnohija zadychajucca, atrymlivajuć traŭmy ci pamirajuć ad stresu. U niekatorych krainach Azii indyjskich zorčatych čarapach ličać ekzatyčnymi chatnimi hadavancami. Na čornym rynku košt moža dasiahać sotniaŭ ci tysiač jeŭra za adnu žyviołu.
Dla zatrymanaj, jakaja, jak paviedamlajecca, pracuje bortpravadnicaj u vjetnamskaj avijakampanii, heta moža mieć surjoznyja nastupstvy. U Tajłandzie dziejničaje zakon ab zachavańni i achovie dzikaj pryrody. Za niezakonnaje vałodańnie ci vyvaz vidaŭ, jakija achoŭvajucca, pahražaje da 10 hadoŭ pazbaŭleńnia voli i/abo štraf da adnaho miljona bat (prykładna 25 tysiač jeŭra).
30 indyjskich zorčatych čarapach kanfiskavanyja i pieradadzienyja śpiecyjalistam.
Ciapier čytajuć
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ88
Kamientary