Byłoha milicyjaniera asudzili za žadańnie vajavać u Pałku Kalinoŭskaha. Pahražała da 15 hadoŭ kałonii
30‑hadovaha minčuka Ivana Voinava, jaki ŭ minułym byŭ milicyjanieram, kinuli za kraty pa abvinavačańni ŭ suviazi z Pałkom Kalinoŭskaha. Jaho vinavacili adrazu pa troch ciažkich kryminalnych artykułach.
Ivanu Voinavu 30 hadoŭ. U 2011 hodzie jon pajšoŭ na svaju pieršuju pracu — u haspadarku «Hołack» u Puchavickim rajonie. Paśla pierajšoŭ na MTZ.
Pa źviestkach Belpol, z 2014 da 2017 hoda Voinaŭ pracavaŭ u Zavodskim adździele Departamienta achovy MUS u Minsku. Mužčyna prajšoŭ šlach ad kursanta da siaržanta milicyi hrupy zatrymańnia, ale ŭ vyniku byŭ zvolnieny z farmuloŭkaj «za sistematyčnaje nievykanańnie ŭmoŭ kantrakta». Paźniej Ivan viarnuŭsia na Minski traktarny zavod.
Pa źviestkach pravaabaroncaŭ, aryštavali byłoha siłavika prykładna ŭ žniŭni 2025 hoda. Spačatku Voinava ŭtrymlivali ŭ SIZA KDB, a paśla pieraviali ŭ minskaje SIZA-1. Pieraśled mužčyny źviazany ź jahonymi imaviernymi płanami dałučycca da biełaruskich dobraachvotnikaŭ va Ukrainie.
Voinava sudzili ŭ Minskim haradskim sudzie. Farmuloŭki abvinavačvańnia śviedčać pra toje, što dałučycca da Pałka Kalinoŭskaha jon nie paśpieŭ: jaho asudzili za padrychtoŭku da najmictva (č. 1 art. 13 i č. 1 art. 361-3), padrychtoŭku da ŭdziełu ŭ terarystyčnaj arhanizacyi (č. 1 art. 13 i č. 2 art. 290-5) i zamachu na zdradu dziaržavie (č. 1 art. 14 i č. 1 art. 356).
Ivanu pahražała da 15 hadoŭ pazbaŭleńnia voli. Dakładny termin źniavoleńnia Voinava pakul zastajecca nieviadomym. Ciapier jon znachodzicca ŭ kałonii.
«Naša Niva» — bastyjon biełaruščyny
PADTRYMAĆ
Kamientary
Heta tak łukašenka choča razradki adnosin z zachadam, tak Zianon?
Heta tak łukašenka choča addalacca ad rasii, tak, naš adbielvalnik łuki - plan trampa, jaki piša z «pišu ź Finlandyi / ZŠA / Švecyi/Rumynii»? Nahadaju tabie, što vahneraŭcy vučyli biełaruskaje vojska, rabili tut što chacieli, jak u siabie ŭ maskovii (kancert ź ich zatrymańniem na paru tydniaŭ - nie zaličvajecca, frendli fajer), a Biełaruś łuka addaŭ ch...łu dla napadu na Ŭkrainu ŭ 2022 h. Što budzieš kazać, kali ch...ło palezie va Ŭkrainu ŭ 2026 h. praz nas?
Toje što łuka-bondarava zamiest anhielskaj movy ŭvioŭ darožnyja pakazalniki na rasiejskaj, heta sajuz z zša ci nie? Botaferma KRamla au?