Andrej Chadanovič zaprašaje na anłajn-kurs pra biełaruskuju paeziju ŭ kantekście suśvietnaj kultury
Kurs Andreja Chadanovičapra biełaruskuju paeziju ŭ kantekście suśvietnaj kultury nazyvajecca «Tavarystva žyvych paetaŭ i paetak». Jon pra ŭpłyvy i «paralelnyja» adkryćci, pra pierakład i mistyfikacyi, pra toje, jak vieršy stanoviacca pieśniami, a paezija — movaj pratestu, supracivu i salidarnaści.
Hety kurs dla vas, kali vy:
— lubicie paeziju i chočacie bačyć u joj bolš: kanteksty, suviazi, upłyvy i schavanyja historyi;
— chočacie lepš razumieć biełaruskuju paeziju i jaje miesca ŭ suśvietnaj litaratury;
— cikaviciesia litaraturaj i chočacie bačyć za vieršami nie tolki tekst, ale i epochu, pierakłady, mistyfikacyi, muzyku i asabistyja historyi aŭtaraŭ;
— vykładajecie, pišacie ci pracujecie z tekstami i šukajecie novyja prykłady, siužety, rakursy i punkty hledžańnia»
— chočacie pravieści čas z Andrejem Chadanovičam i pahladzieć na biełaruskuju paeziju praź jaho optyku.
Kurs budzie składacca z 10 lekcyjaŭ-zaniatkaŭ:
- Jak splataŭsia «Vianok»? Maksim Bahdanovič i papiaredniki: Šarl Badler, Pol Vierlen dy inšyja.
- «Kurhany šmat čaho nam havorać»: Janka Kupała i Uiljam Batler Jejts.
- Fantomnyja boli dvuch Mickievičaŭ: paemy «Pan Tadevuš» i «Novaja ziamla».
- Nierasstralanyja paemy: biełaruskaje i habrejskaje.
- Arkadź Kulašoŭ — mistyfikatar: tajemnaja historyja vierša «Byvaj» (i pieśni «Alesia»).
- «Amplituda śmiełaści»: Maksim Tank, Ryhor Baradulin, Michaś Stralcoŭ.
- «Kaardynaty byćcia»: paetyčnyja adkryćci Alesia Razanava.
- Biełaruś — nacyja paetak? Žanočaja liryka ad Bandarynaj da Bandurynaj.
- Paety i frontmeny: biełaruskija vieršy, muzyka i scena
- «Na bierazie Voli»: biełaruskaja paezija 20-ch.
Paśla kursu vy budziecie hladzieć na biełaruskuju paeziju — i na svaju kulturu — z honaram i razumieńniem, jakich raniej nie chapała, abiacajuć arhanizatary.
Kamientary