Hałkipier zbornaj Mieksiki pajedzie na šosty čempijanat śvietu pa futbole
Hiljerma Ačoa stanie adnym z absalutnych rekardsmienaŭ u historyi čempijanataŭ śvietu pa futbole.
40‑hadovy bramnik zbornaj Mieksiki i kiprskaha AJEŁa ź Limasoła Hiljerma Ačoa budzie ŭklučany ŭ skład nacyjanalnaj kamandy na finalny turnir ČS-2026, paviedamlaje insajder Fabrycya Ramana.
Takim čynam, hałkipier adpravicca na svoj šosty čempijanat śvietu. Heta rekord — nichto raniej nie ŭdzielničaŭ u takoj kolkaści mundyjalaŭ. Takoje ž dasiahnieńnie ŭ hetym hodzie mohuć ustalavać partuhalec Kryšcijanu Ranałdu i arhientyniec Lijanel Miesi.
Paśla zaviaršeńnia turniru Očoa skončyć hulniavuju karjeru. 13 lipienia jamu spoŭnicca 41 hod.
Raniej asnoŭny bramnik zbornaj Mieksiki Łuis Małahon atrymaŭ traŭmu i prapuścić čempijanat śvietu. Ale Ačoa budzie druhim, a to i trecim varatarom u składzie nacyjanalnaj družyny.
Hiljerma pieršy raz pajechaŭ na mundyjal u 2006 hodzie, ale ŭ tym hodzie i na nastupnym čempijanacie ŭ 2010 hodzie jon byŭ trecim hałkipieram, a debiutavaŭ na ČS u 2014 hodzie.
Za zbornuju Mieksiki pravioŭ 152 matčy. Šeść razoŭ vyjhravaŭ Załaty kubak KANKAKAF (hałoŭny turnir zbornych u Paŭnočnaj i Centralnaj Amierycy).
Mieksika na ČS-2026 zhulaje ŭ adnoj hrupie z Čechijaj, Paŭdniovaj Karejaj i Paŭdniovaj Afrykaj.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie23
Kamientary