Зборная Беларусі па міні-футболе захоўвае мізэрныя шанцы на выхад у чвэрцьфінал Еўра-2026
Для гэтага ў заключным туры групавога этапу павінны адбыцца шэраг неверагодных умоў, піша football.by.
Напярэдадні беларусы пацярпелі другую паразу на турніры — ад каманды Іспаніі (0:2), а адна з гаспадароў чэмпіянату, зборная Славеніі, дзе гуляюць беларусы, была мацнейшай за каманду Бельгіі (5:4).
Турнірнае становішча пасля двух тураў:
- Іспанія — 6 балаў
- Славенія — 3
- Бельгія — 3
- Беларусь — 0
Такім чынам, каб заняць другое месца ў групе і выйсці ў чвэрцьфінал, зборнай Беларусі неабходна выкананне двух умоў:
- параза Бельгіі з любым лікам ад Іспаніі;
- перамога Беларусі над Славеніяй з розніцай не менш за сем мячоў.
Пры роўнай колькасці балаў першым крытэрыем для вызначэння месцаў каманд у турнірнай табліцы з’яўляюцца асабістыя сустрэчы.
Калі Беларусь, Бельгія і Славенія набяруць па тры балы, у першую чаргу будзе ўлічвацца розніца мячоў у матчах паміж гэтымі трыма камандамі. У бельгійцаў яна цяпер складае +3 і ўжо не зменіцца, а ў беларусаў — мінус 4.
Менавіта гэтым і тлумачыцца неабходнасць перамогі нашай каманды над славенцамі з розніцай не менш за сем мячоў.
Матчы Славенія — Беларусь і Іспанія — Бельгія адбудуцца ў чацвер, 29 студзеня, і абодва пачнуцца а 19:30.
Цяпер чытаюць
Разведка ЗША: Беларусь стала перадавым вайсковым плацдармам Расіі31
Каментары