Узровень анамалій пры ўваходзе ў Telegram раніцай у пятніцу дасягнуў 95%, сведчаць даныя міжнароднага даследчага праекта OONI.
Гэта максімальная доля анамалій за ўвесь час з пачатку новага ўзмацнення абмежаванняў працы месенджара ў Расіі 20 сакавіка. Гэтыя лічбы могуць азначаць, што месенджар цяпер блакуецца мацней, чым WhatsApp і Signal, піша «Агенцтва».
Узмацненне блакіроўкі Telegram, як звычайна, адбылося ў пятніцу (менавіта напрыканцы тыдня адбываліся папярэднія хвалі блакавання). Яшчэ ў чацвер доля анамалій складала 79% — звыклы ўзровень для апошніх дзён.
У афіцыйна заблакаванага Signal і фактычна заблакаванага WhatsApp раніцай у пятніцу доля анамалій складала 89%.
Колькасць скаргаў карыстальнікаў на працу Telegram у Расіі рэзка вырасла ў ноч з чацвярга на пятніцу, сведчаць дадзеныя Downdetector. За апошнія суткі карыстальнікі пакінулі 2,6 тысячы скаргаў на працу мэсенджара, большасць — з Ханты-Мансійскай аўтаномнай акругі, Санкт-Пецярбурга, Масквы і Растоўскай вобласці.
Верагодна, праблемы ўзнікаюць і ў тых, хто карыстаецца VPN-сэрвісамі: у ліку лідараў па колькасці скаргаў апынуліся Нідэрланды.
Сэрвіс «Сбой.рф» за раніцу пятніцы зафіксаваў 469 скаргаў на працу Telegram — гэта 26% ад агульнай колькасці скаргаў за ўвесь чацвер (1771). Большасць скаргаў пакінулі карыстальнікі з Масквы (36%), Санкт-Пецярбурга (14%), Краснадарскага краю (6%), Свярдлоўскай (5%) і Маскоўскай (4%) абласцей.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта5
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары