Uzrovień anamalij pry ŭvachodzie ŭ Telegram ranicaj u piatnicu dasiahnuŭ 95%, śviedčać danyja mižnarodnaha daśledčaha prajekta OONI.
Heta maksimalnaja dola anamalij za ŭvieś čas z pačatku novaha ŭzmacnieńnia abmiežavańniaŭ pracy miesiendžara ŭ Rasii 20 sakavika. Hetyja ličby mohuć aznačać, što miesiendžar ciapier błakujecca macniej, čym WhatsApp i Signal, piša «Ahienctva».
Uzmacnieńnie błakiroŭki Telegram, jak zvyčajna, adbyłosia ŭ piatnicu (mienavita naprykancy tydnia adbyvalisia papiarednija chvali błakavańnia). Jašče ŭ čaćvier dola anamalij składała 79% — zvykły ŭzrovień dla apošnich dzion.
U aficyjna zabłakavanaha Signal i faktyčna zabłakavanaha WhatsApp ranicaj u piatnicu dola anamalij składała 89%.
Kolkaść skarhaŭ karystalnikaŭ na pracu Telegram u Rasii rezka vyrasła ŭ noč z čaćviarha na piatnicu, śviedčać dadzienyja Downdetector. Za apošnija sutki karystalniki pakinuli 2,6 tysiačy skarhaŭ na pracu mesiendžara, bolšaść — z Chanty-Mansijskaj aŭtanomnaj akruhi, Sankt-Pieciarburha, Maskvy i Rastoŭskaj vobłaści.
Vierahodna, prablemy ŭźnikajuć i ŭ tych, chto karystajecca VPN-servisami: u liku lidaraŭ pa kolkaści skarhaŭ apynulisia Niderłandy.
Servis «Sboj.rf» za ranicu piatnicy zafiksavaŭ 469 skarhaŭ na pracu Telegram — heta 26% ad ahulnaj kolkaści skarhaŭ za ŭvieś čaćvier (1771). Bolšaść skarhaŭ pakinuli karystalniki z Maskvy (36%), Sankt-Pieciarburha (14%), Krasnadarskaha kraju (6%), Śviardłoŭskaj (5%) i Maskoŭskaj (4%) abłaściej.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks8
Kamientary