17‑гадовы хлопец жыве ў падвале. Ён загарнуўся ў чырвона-зялёны сцяг, каб Лукашэнка звярнуў на яго ўвагу

Сам хлопец з Крупак. Падчас вучобы ў школе ён выступаў на канцэртах. У тыктоку Леў распавёў, чаму ў свае 17 гадоў вымушаны жыць у падвале. Адбылося ўсё летась летам. Бацька нідзе не працаваў і шмат выпіваў. Дадому звычайна прыходзіў тады, калі ў звычайных людзей ужо хутка павінны званіць будзільнікі.

Павялічыць

Скандалы дома былі звычайнай з’явай. Леў перыядычна прасіў бацьку перастаць піць, знайсці працу. Той ігнараваў слёзы сына. І вось у чарговы раз мужчына вярнуўся дамоў п'яны.

— Мы падышлі да яго з мамай і сказалі: «Тата, ну ты ж абяцаў, што заўтра паедзеш з хлопцамі на працу ў Маскву…». Ведаеце, яго гэта настолькі зачапіла… Ён пачаў крычаць: «Ды вы мяне будзеце вучыць! Хто вы такія?!»

Бацька пачаў жорстка збіваць маці Лёвы. У гэты момант падлетак думаў, што той проста заб'е і маці, і яго. Хлопец набраў міліцыю. Бацька, пабачыўшы гэта, ударыў апошні раз і даў драла з кватэры. Але потым усё ж вярнуўся — і пачаў біцца ўжо з міліцыянерамі.

Менавіта пасля гэтага інцыдэнту мужчына вырашыў выгнаць сына з кватэры — хацеў так пакараць за выклік міліцыі.

— Апошнія словы, якія ён мне сказаў: «Ты ў*бак, ты нічога не дасягнеш. Ты яшчэ згадаеш пра мяне».

Але Леў больш за ўсё пакутуе не праз паводзіны бацькі-алкаголіка, а праз здраду роднай бабулі. Менавіта ёй належыць тая самая кватэра, дзе хлопец жыў з бацькамі. Ён быў упэўнены, што бабуля не дазволіць унуку застацца на вуліцы. Тая ж стала на бок свайго сына, а не ўнука.

Леў цяпер жыве ў падвале ў Мінску. Працуе ў дастаўцы — кажа, грошай хапае толькі на ежу. Часам на Нямізе грае Каржа на гітары.

Леў марыць стаць вядомым музыкам. Ён пачаў запісваць ролікі (узяў нік Беларусаў), загарнуўшыся ў чырвона-зялёны сцяг. Спадзяецца, што відэа з такімі песнямі ў тыктоку пабачыць Лукашэнка і зробіць з яго сапраўднага артыста.

Павялічыць

Тэксты даволі банальныя:

«Беларусь ты моя любимая,
Где бы я ни был, мне не забыть тебя.
Ты всё такая же вечно красивая —
Синеокая и белокрылая.

Ты небольшая по сравнению с Россией,
Людей здесь живет не так, как в Китае.
Но с тобой не сравнится ни одна страна в мире
По доброте, чистоте и порядку.

Растут города, строят заводы.
Вокруг красота, леса и озёра,
Мирное небо, чувство свободы —
Вот оно счастье простого народа».

@podvalny0 Как вам?#беларусь #минск ♬ оригинальный звук - Лев Белорусов

Спявае Леў і пра Захад:

«Наши соседи строят заборы —
Типо боятся, чтоб мы не напали.
Но мы — беларусы, мы мирные люди
И нам чужого не надо.

Люди на Западе не понимают,
Они разжигают огни между нами
В надежде разрушить всё то,
Что мы создавали годами.

И если у нас спросят кто мы,
Мы гордо ответим: «Мы патриоты!»
Мы любим свою страну.
И будем любить до последнего вздоха».

• 0
• 0
• 5
• 45
• 2
• 6
• 3
• 0