Mama Ksiušy Maisiejenki, jakoj źbirali hrošy na lačeńnie ad SMA, zapisała videazvarot z prośbaj dapamahčy joj viarnuć dziaciej

Raniej u hetaj žančyny ŭsich čatyroch dziaciej zabrali i źmiaścili ŭ dziciačy dom ci inšyja siemji. Jana pryznaje, što «zrabiła pamyłku, jakuju nie mahu sabie daravać», i što ŭśviedamleńnie taho, što dzieci ciapier nie ź joj, «apiakaje kožny dzień».

Pry hetym tłumačyć jana svaje pavodziny, jakija pryviali da takoha vyniku, tym, što i sama ŭ svoj čas vyrasła ŭ dziciačym domie.

«Ja nie viedała baćkoŭskaj piaščoty, ja nie bačyła, jak mama abdymaje tatu ci jak siamja źbirajecca za ahulnym stałom. Ja vyrasła biez prykładu lubovi i prosta nie viedała, jak być «pravilnaj» mamaj. Ja zabłudziłasia, bo ŭ mianie nikoli nie było karty», — havorycca ŭ tekstavym zvarocie.

Posmotrieť etu publikaciju v Instagram

Publikacija ot TANIA ✨ GREENWAY |MOHILEV|RB| (@burnos.tatiana_)

Ale siońnia, zapeŭnivaje žančyna, usio źmianiłasia: jaje ŭłasnaje minułaje nie pavinna vyznačać budučyniu dziaciej i jana nie choča, kab jany paŭtarali jaje los.

«Na hety momant ja pracuju, nie pju, starajusia zrabić usio, što ŭ maich siłach, — kaža jana na videa. — I chaču da vas źviarnucca z prośbaj dapamahčy mnie viarnuć maich dzietak dadomu, kab jany byli sa mnoj. Tak, ja astupiłasia, ja pryznaju heta, ale ja chaču viarnuć svaich dziaciej, prašu vas dapamahčy mnie ŭ hetym».

Sama ž jana, jak zapeŭnivajecca ŭ tekstavym zvarocie, prachodzić praz transfarmacyju, pracuje nad saboj i robić ŭsio, čaho patrabuje zakon i sumleńnie, kab dakazać, što moža być dla ich aporaj.

«Ad dziaciej ja nikoli nie admaŭlałasia i nie admoŭlusia, — zapeŭnivaje Nina Sańkova ŭ videa. — Ja pastarajusia stać dobraj mamaj i prykładam dla svaich dziaciej».

Jana abiacaje, što budzie rabić usio, što joj havorać, i vykonvać usie rekamiendycyi.

Pavodle źviestak Ministerstva achovy zdaroŭja, pa stanie na 14 krasavika 2026 hoda ŭsie dzieci Niny Sańkovaj mieli status «dzicia, pakinutaje biez apieki baćkoŭ da likvidacyi pryčyn, jakija pryviali da pryznańnia ich takimi, što majuć patrebu ŭ dziaržaŭnaj abaronie». 24 krasavika vałanciory daviedalisia ad orhanaŭ apieki, što čynoŭniki padali ŭ sud dakumienty, kab pazbavić Ninu baćkoŭskich pravoŭ.

U Ksiušy Maisiejenki, trochhadovaj dački Niny Sańkovaj, dyjahnastavanaja śpinalnaja myšačnaja atrafija (SMA) druhoha typu — ciažkaje hienietyčnaje zachvorvańnie, jakoje patrabuje darahoha lačeńnia. Dziakujučy chutkamu zboru srodkaŭ, u jakim udzielničali zvyčajnyja biełarusy, arhanizacyi i fondy, dla jaje lačeńnia ŭdałosia sabrać amal dva miljony dalaraŭ — sumu, dastatkovuju dla darahoha ŭkołu.

Ale paśla stała viadoma, što pakul uvieści jaho Ksiušy niama mahčymaści. Ale ciapier daktary znoŭ dajuć nadzieju.

• 3
• 0
• 2
• 2
• 0
• 2
• 0
• 0