Pradstaŭnica Minzdaroŭja: U Ksiušy z SMA stanoŭčaja dynamika, jana stała sama siadzieć
Hałoŭnaja pazaštatnaja śpiecyjalistka pa spadčynnych niervova-myšačnych zachvorvańniach u dziaciej Ministerstva achovy zdaroŭja Iryna Žaŭniaronak na pres-kanfierencyi ŭ Mahiloŭskim abłvykankamie paviedamiła, što ŭ stanie trochhadovaj Ksiušy Maisienki z Mahilova, jakaja žyvie ŭ dziciačym domie pry žyvoj maci, nazirajecca stanoŭčaja dynamika.
U dziaŭčynki dyjahnastavanaja śpinalnaja myšačnaja atrafija (SMA) druhoha typu — ciažkaje hienietyčnaje zachvorvańnie, jakoje patrabuje darahoha lačeńnia. Dziakujučy chutkamu zboru srodkaŭ, u jakim udzielničali zvyčajnyja biełarusy, arhanizacyi i fondy, dla jaje lačeńnia dziaŭčynki ŭdałosia sabrać amal dva miljony dalaraŭ — sumu, dastatkovuju dla darahoha ŭkołu. Ale paśla stała viadoma, što prynamsi na hety momant uvieści jaho Ksiušy niama mahčymaści.
Ciapier dziaŭčynka atrymlivaje padtrymlivalnuju terapiju i miedyki adznačajuć palapšeńnie jaje stanu. Za jaje zdaroŭjem pastajanna nazirajuć daktary.
Śpiecyjalisty tłumačać, što SMA — heta zachvorvańnie, jakoje prahresuje. Druhi jaho typ praciakaje lahčej, čym pieršy, ale patrabuje jak maha bolš rańniaha lačeńnia. Dla terapii vykarystoŭvajucca roznyja hiennyja preparaty, u tym liku «Załhiensma» i inšyja srodki, jakija dziejničajuć pa-roznamu i padbirajucca indyvidualna.
Daktary adznačyli, što ŭ Ksiušy ŭžo jość prykmietnaje palapšeńnie: jana pačała bolš upeŭniena siadzieć, pavialičyłasia siła ŭ rukach i niama prykmiet chutkaha paharšeńnia stanu.
Taksama paviedamlajecca, što pry lačeńni ŭličvajucca asablivaści arhanizma dziaŭčynki, u tym liku stan kostak, jaki moža ŭpłyvać na mahčymaść dalejšaj hiennaj terapii.
U kancy viasny — pačatku leta płanujecca novaje abśledavańnie i kansilium, jaki acenić dalejšuju taktyku lačeńnia.
Dziaŭčynka z pačatku 2025 hoda znachodzicca pad nahladam u śpiecyjalizavanaj ustanovie dla palijatyŭnaj dapamohi, a jaje lačeńnie pravodzicca sumiesna niekalkimi miedycynskimi centrami.
Daktary padkreślivajuć, što ŭsie rašeńni buduć prymacca ŭ intaresach dziciaci i ŭ ščylnym kantakcie ź jaje maci, a sabranyja srodki pojduć vyklučna na lačeńnie Ksiušy.
Dziaržava prapanuje, kab maci Ksiušy z SMA pieraviała sabranyja $1,8 miljona ŭ Dom dziciaci. Vałanciory suprać
«Akno stračanaje». Zrabić ukoł za $1,8 miljona Ksiušy ź dziciačaha doma pakul niemahčyma
Vielizarny zbor na supierdarahija leki dla Ksiušy ź dziciačaha doma zakryty!
Viadomaja rasijskaja śpiavačka i jaje biełaruski muž, daradca Kadyrava, pieraviali na lačeńnie trochhadovaj Ksiušy z SMA bolš za 100 tysiač jeŭra
Jak Ksiuša z SMA apynułasia ŭ Domie dziciaci pry žyvoj mamie? Voś što kaža sama maci
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary