Tramp nie choča nasić broniekamizelku z estetyčnych mierkavańniaŭ i nie tolki
Za apošnija dva hady Tramp pieražyŭ try zamachi.
Biaśpieka ci źniešni vyhlad? Prezidentu ZŠA Donaldu Trampu karespandentka News Nation Libi Dyn zadała pytańnie — ci zadumvajecca jon pra toje, kab nasić broniekamizelku.
«Ja nie viedaju, ci vytrymaju vyhladać na 20 funtaŭ ciažejšym», — adkazaŭ Tramp. «Hetyja chłopcy vyhladajuć tak dobra», — dadaŭ jon pad śmiech, vidavočna majučy na ŭvazie ahientaŭ Sakretnaj słužby, jakija jaho achoŭvajuć — u kulenieprabivalnych kamizelkach, piša Bild.
Potym prezident adkazaŭ užo surjozna: «Ja dumaju, heta toje, pra što možna padumać». Adnak u Trampa jość nie tolki estetyčnyja sumnieńni.
Jon nie chacieŭ by nasić kamizelku, «bo heta aznačaje sastupku drennamu elemientu» — vidavočna, majucca na ŭvazie tyja, chto nastolki jaho nienavidzić, što hatovy pasprabavać zabić.
Uviečary 25 krasavika nastaŭnik Koŭł Tomas Alen sprabavaŭ ździejśnić zamach na Trampa padčas pryjomu Asacyjacyi karespandentaŭ u hateli Hilton u Vašynhtonie. Hety incydent vyklikaŭ dyskusii pra miery biaśpieki na mierapryjemstvach z udziełam prezidenta. Pry hetym adzin supracoŭnik Sakretnaj słužby byŭ paranieny napadnikam, ale jaho vyratavała broniekamizelka.
Za apošnija dva hady Tramp pieražyŭ try zamachi.
U lipieni 2024 hoda ŭ štacie Piensilvanija mužčyna stralaŭ u jaho, i kula zakranuła Trampa pa vuchu. U vieraśni 2024 hoda inšy čałaviek sprabavaŭ zastrelić jaho padčas hulni ŭ holf u Fłarydzie; napadnik byŭ prysudžany da pažyćciovaha źniavoleńnia. Ciapier Tramp paźbieh treciaha zamachu.
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary