Na kancert ukrainki Mary Krajmbrery pradali ŭsiu «Minsk-Arenu» — bolš za 15 tysiač kvitkoŭ
Dziaŭčyna zrabiła karjeru ŭ Maskvie, a vajnu na radzimie starajecca nie zaŭvažać.
Da kanca hoda ŭ «Minsk-Arenie» zapłanavana piać kancertaŭ. Heta vystupy ruskamoŭnych śpievakoŭ Mary Krajmbrery, Paliny Haharynaj, Dzimy Biłana, a taksama salanka zorak 1990‑ch i tancavalnaje šou «Simfonija žyćcia».
Bližejšy vystup, užo 2 maja, u pop-zorki Mary Krajmbrery. I kvitki razabrali amal całkam. Pradadziena 11290 miescaŭ na trybunach, a taksama niekalki tysiač kvitkoŭ na tancpole i ŭ fanzonie. Na hety momant u prodažy tolki roŭna piać miescaŭ na tancpole.
Za mahčymaść pačuć Mary Krajmbrery ŭžyvuju jaje fanaty zapłacili ad 65 da 236 rubloŭ.
Sapraŭdnaje imia śpiavački — Maryna Žadan, jana naradziłasia i vyrasła ŭ Kryvym Rohu. Pryhožy psieŭdanim prydumała sabie jašče ŭ 11 hadoŭ u škole na infarmatycy. U 20 hadoŭ dziaŭčyna pajechała skarać Maskvu — i joj heta ŭdałosia.
Vajnu na svajoj radzimie artystka nie zhadvaje publična. Jana praciahvaje žyć svajo zvykłaje zornaje žyćcio ŭ Rasii. U Biełarusi taksama čas ad času vystupaje.
Letaś, naprykład, Mary Krajmbrery była chedłajnierkaj Dnia horada ŭ Hrodnie. Pasłuchać jaje sabrałasia kala 25 tysiač čałaviek. Sioleta ŭ červieni śpiavačka taksama vystupić na Dni moładzi ŭ Homieli.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary
Pryncypovaja roźnica ŭ tym, što doli sapraŭdnych ukraincaŭ va Ŭkrainie usio ž dastatkova, kab ačuniać, a voś doli biełarusaŭ u Biełarusi - vidać, nie.
Praź niekalki hod Ukraina, jak inšyja susiedzi, apyniecca ŭ JEZ, a nasielnictva Biełarusi praciahnie nasirać russkij mir u svaim domie. Słajami, kab i ŭnuki nie vylaźli ź jaho.