На канцэрт украінкі Мары Краймбрэры прадалі ўсю «Мінск-Арэну» — больш за 15 тысяч квіткоў
Дзяўчына зрабіла кар'еру ў Маскве, а вайну на радзіме стараецца не заўважаць.
Да канца года ў «Мінск-Арэне» запланавана пяць канцэртаў. Гэта выступы рускамоўных спевакоў Мары Краймбрэры, Паліны Гагарынай, Дзімы Білана, а таксама салянка зорак 1990‑х і танцавальнае шоу «Сімфонія жыцця».
Бліжэйшы выступ, ужо 2 мая, у поп-зоркі Мары Краймбрэры. І квіткі разабралі амаль цалкам. Прададзена 11290 месцаў на трыбунах, а таксама некалькі тысяч квіткоў на танцполе і ў фанзоне. На гэты момант у продажы толькі роўна пяць месцаў на танцполе.
За магчымасць пачуць Мары Краймбрэры ўжывую яе фанаты заплацілі ад 65 да 236 рублёў.
Сапраўднае імя спявачкі — Марына Жадан, яна нарадзілася і вырасла ў Крывым Рогу. Прыгожы псеўданім прыдумала сабе яшчэ ў 11 гадоў у школе на інфарматыцы. У 20 гадоў дзяўчына паехала скараць Маскву — і ёй гэта ўдалося.
Вайну на сваёй радзіме артыстка не згадвае публічна. Яна працягвае жыць сваё звыклае зорнае жыццё ў Расіі. У Беларусі таксама час ад часу выступае.
Летась, напрыклад, Мары Краймбрэры была хэдлайнеркай Дня горада ў Гродне. Паслухаць яе сабралася каля 25 тысяч чалавек. Сёлета ў чэрвені спявачка таксама выступіць на Дні моладзі ў Гомелі.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
Прынцыповая розніца ў тым, што долі сапраўдных украінцаў ва Ўкраіне усё ж дастаткова, каб ачуняць, а вось долі беларусаў у Беларусі - відаць, не.
Праз некалькі год Украіна, як іншыя суседзі, апынецца ў ЕЗ, а насельніцтва Беларусі працягне насіраць русскій мір у сваім доме. Слаямі, каб і ўнукі не вылязлі з яго.