«Kali jašče raz padymuć, admovimsia ad tura». Biełarusy sutyknulisia z padaražańniem avijabiletaŭ

Pavieł jašče ŭ studzieni aformiŭ rańniaje braniavańnie na vierasień — čartarny rejs ź Minska ŭ vjetnamski Niačanh. Adnak dniami mužčyna daviedaŭsia, što daviadziecca dapłacić paliŭny zbor — 40 dalaraŭ z kožnaha padarožnika, piša Onliner.by.

— Tur zaŭsiody reziervujem praz ahienctva. I turahient dasłaŭ nam infarmacyju, što ŭ suviazi sa značnym rostam koštu avijapaliva «Biełavija» pavyšaje paliŭnyja zbory. Prapanavali varyjanty: ci bolš za 4 tysiačy (1505 dalaraŭ) dla vypiski avijabiletaŭ nie paźniej peŭnaj daty, ci košt tura pavialičycca na 113 rubloŭ (40 dalaraŭ) na čałavieka. My ad apłaty adrazu za avijabilet admovilisia i pahadzilisia na dapłatu na 80 dalaraŭ na dvaich (kala 225 rubloŭ). Kali b apłacili avijabilet, to tur nielha było b admianić da vyletu, a nam heta ŭmova vielmi važnaja.

Pavialičyć

Pavieł pryznajecca, spačatku ad takich navin navat pramilhnuła dumka naohuł admovicca ad tura, ale śpiašacca nie stali:

— Ale kali jany jašče raz padymuć, tady admovimsia. Pieršy raz padniali na 80$ za dvaich — jašče vytrymajem, bo tur brali za paŭhoda na rańnim reziervavańni i ličym, što $80 možna vytrymać.

U sacyjalnych sietkach taksama abmiarkoŭvajuć navinu ab pavieličeńni paliŭnych zboraŭ.

Pavialičyć

Z adnaho boku, biełarusy nie rady nieabchodnaści dapłačvać za paliŭnyja zbory, ale ź inšaha — dobra, što ŭ pryncypie možna kudyści palacieć. Enierhietyčny kryzis, spravakavany kanfliktam na Blizkim Uschodzie, pahražaje isnavańniu nievialikich jeŭrapiejskich aeraportaŭ. Ceny na avijapaliva pieravysili 1800 dalaraŭ (1535 jeŭra) za tonu, što pryviało da rostu koštu avijabiletaŭ i skaračeńnia kolkaści rejsaŭ.

Hienieralny dyrektar łaŭkostara Ryanair Majkł O'Liry zajaviŭ, što z-za imklivaha rostu cen na naftu da kanca hoda «dva-try jeŭrapiejskija avijapieravozčyki mohuć zbankrutavać». Siarod ich — Wizz Air i airBaltic, jakija ŭ adkaz abvinavacili kankurenta ŭ chłuśni. Ceny vyraśli nastolki, što Turkish Airlines, Transavia France i Lufthansa zdymajuć samaloty ź linij i prypyniajuć rejsy.

«Pavyšeńnie moža być čysta simvaličnym»

Onliner.by źviarnuŭsia ŭ «Biełavija» pa kamientar. Voś što adkazaŭ nacyjanalny pieravozčyk:

— Ciapierašniaja situacyja na rynku avijacyjnaha paliva stvaraje biesprecedentnuju nahruzku na apieracyjnuju dziejnaść usich avijapieravozčykaŭ, i naša kampanija nie źjaŭlajecca vyklučeńniem. U šerahu aeraportaŭ, kudy «Biełavija» vykonvaje ci płanuje pačać vykanańnie palotaŭ, my sutyknulisia z deficytam avijapaliva, a ceny pavialičylisia bolš čym udvaja. Paliŭny składnik zajmaje značnuju dolu ŭ sabiekošcie kožnaha bileta.

U kampanii padkreślili, što starajucca bałansavać taryfy, utrymlivajučy ich na razumnym uzroŭni za košt unutranych reziervaŭ:

— Ale paźbiehnuć pavyšeńnia cen u pryncypie, na žal, my nie možam. Heta tyčycca nie ŭsich kirunkaŭ, prapracoŭvajem kožny rejs asobna. Na blizkamahistralnych pavyšeńnie cany moža być čysta simvaličnym; na dalokich, zrazumieła, rost budzie bolš adčuvalnym. My nie idziom pa šlachu maštabnaha skaračeńnia palotnaj prahramy, kab źmienšyć straty, jak heta ciapier adbyvajecca ź niekatorymi zamiežnymi avijapieravozčykami. Naša meta — zachavać dastupnaść palotaŭ dla pasažyraŭ. I niahledziačy na toje, što ad dvuch čartarnych kirunkaŭ (vykonvajucca pa zapycie zakazčykaŭ-turapierataraŭ) pakul pryjšłosia admovicca, rehularnyja rejsy avijakampanii i pieravažnaja bolšaść čartarnych vykonvajucca ŭ raniejšym abjomie.

Pa danych Mižnarodnaj asacyjacyi pavietranaha transpartu, u sakaviku ceny na avijacyjnaje paliva rezka vyraśli, pavialičyŭšysia na 106,6% u paraŭnańni z sakavikom minułaha hoda, na fonie rostu cen na syruju naftu na 43,1% i pavieličeńnia maržy pierapracoŭki na 320%.

• 0
• 0
• 0
• 0
• 0
• 0
• 0
• 0