Cichanoŭskaja: Kolki nas ni dušać represijami, ni pałochajuć — my z vami praciahvajem uparta rabić biełaruskuju spravu
Demakratyčnaja lidarka adkryła V Kanfierencyju biełarusaŭ i biełarusak śvietu.
1 maja ŭ Varšavie raspačałasia V Kanfierencyja biełarusaŭ i biełarusak śvietu Śviatłana Cichanoŭskaja vystupiła na adkryćci ź vitalnaj pramovaj, u jakoj padkreśliła, što za hetyja hady biełarusy nie tolki zachavali jednaść, ale i navučylisia razam adkazvać na novyja vykliki, paviedamlaje jaje pres-słužba.
«Na pieršaj kanfierencyi biełarusaŭ śvietu, bolš za čatyry hady tamu, niechta z udzielnikaŭ — mahčyma, chtości z vas — padaryŭ mnie maleńkaha aniołka ŭ bieł-čyrvona-biełych kolerach i skazaŭ: «Śviatłana, heta taki talisman, jaki dapamoža nam usim viarnucca dadomu». Ja praciahvaju jaho zachoŭvać. Jak i tady, tak i ciapier ja zastajusia ŭpeŭnienaja, što my ŭsie abaviazkova vierniemsia. My abaviazkova daviadziom da kanca tuju spravu, jakuju razam z vami raspačali. I nichto i ništo nie zmoža nas na hetym šlachu spynić».
«Hetaja kanfierencyja stała nie tolki dobraj tradycyjaj, ale i nieabchodnaściu. Heta kalektyŭny mazhavy šturm, kali my źbirajemsia razam, kab vyrašyć najbolš vostryja prablemy, jakija stajać pierad biełarusami zamiežža. Naš ruch, jak žyvy arhanizm, raźvivajecca, uzmacniajecca. Źmianiajucca źniešnija abstaviny — źmianiajemsia i my.
Kolki nas ni dušać represijami, ni pałochajuć, ni sprabujuć razburyć našu jednaść — my z vami praciahvajem uparta rabić svaju biełaruskuju spravu», — zaklučyła Śviatłana Cichanoŭskaja.
Sačyć za kanfierencyjaj možna tut:
-
Cichanoŭskaja: Kali buduć praviedzieny svabodnyja vybary, ja ŭ ich udzielničać nie budu. Ale zaraz nie čas kankuryravać
-
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
-
Šedeŭr Marka Šahała «Nad horadam» upieršyniu pryjedzie ŭ Biełaruś
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie8
Kamientary
Vaša sprava, zrabić alternatyvu sučasnamu biełaruskamu režymu! Vy HETA zrabili? Ci pad VAŠAJ spravaj vy majecie na ŭvazie hałasić na vieś śviet, što my achviary? Vy vinny stać lepšaj alternatyvaj režymu, vašaha viartańnia vinny čakać u Biełarusi z nadziejaj na lepšy śviet.