Hiensak NATA: Biełaruś znachodzicca pad vielizarnym upłyvam Maskvy
Hienieralny sakratar NATA Mark Rute pierakanany, što Pucin kantraluje ŭsie asnoŭnyja padziei i ryčahi ŭ susiedniaj Biełarusi, što Biełaruś znachodzicca pad «vielizarnym upłyvam» Maskvy. Jon skazaŭ pra heta 6 lipienia na pres-kanfierencyi, jakaja papiaredničała samitu arhanizacyi ŭ tureckaj Ankary, paviedamlaje Ukrainskaja słužba «Radyjo Svaboda».
«My nie pavinny być naiŭnymi nakont roli, jakuju adyhryvaje Biełaruś. Jana znachodzicca pad vielizarnym upłyvam Rasii i Maskvy», — skazaŭ Mark Rute ŭ adkaz na prośbu biełaruskaha žurnalista patłumačyć, ci padzialaje NATA zakłapočanaść Ukrainy z nahody naroščvańnia rasijskaj vajskovaj prysutnaści ŭ Biełarusi.
«Toje, što adbyvajecca ŭ Minsku, u značnaj stupieni natchnionaje Pucinym», — dadaŭ Rute.
U toj ža čas hienieralny sakratar NATA admoviŭsia kamientavać pytańnie pra mahčymyja ŭdary ŭkrainskich bieśpiłotnikaŭ pa retranślatarach suviazi ŭ Biełarusi z metaj ich adklučeńnia.
«Ja nie mahu skazać vam usiaho — tak ci nie, bo častka hetaj infarmacyi, viadoma, zasakrečanaja», — skazaŭ Rute.
Akramia taho, jon raskazaŭ, što pastaŭki zbroi Ukrainie pavodle prahramy PURL praciahvajucca, ale ŭ hety momant isnuje deficyt pierachopnikaŭ na terytoryi krain NATA.
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie14
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary