Pad Kijevam znajšli cieła žančyny, jakuju rasšukvali za zamach u Manaka na ŭkrainskaha kryminalnaha biznesmiena
Jaje zastrelili, a cieła zakapali.
Pavodle źviestak surazmoŭcaŭ «Ukrainskaj praŭdy», cieła žančyny znajšli kala 23:00 6 lipienia. Pavodle infarmacyi krynic, jaje zastrelili.
Taksama paviedamili, što žančyna znachodziłasia za miežami Ukrainy z 22 sakavika 2025 hoda pa 1 lipienia 2026 hoda.
Inšaja krynica UP u pravaachoŭnych orhanach paviedamiła, što pa spravie ŭžo zatrymany dva padazravanyja.
Adzin ź ich źjaŭlajecca dziejnym aficeram Hałoŭnaha ŭpraŭleńnia raźviedki, druhi — byłym supracoŭnikam pravaachoŭnych orhanaŭ.
Jak paviedamlałasia raniej, padazravanaja — 39‑hadovaja Anastasija Bierazoŭskaja. Jana žyła ŭ niamieckim Frankfurcie. Na pravaj ruce ŭ jaje tatu źmiai.
Jana maskiravałasia, kab vyhladać jak mužčyna.
29 červienia kala 21:00 u vyniku vybuchu ŭ Manaka paciarpieli try čałavieki, dvoje ź jakich atrymali vielmi ciažkija ranieńni. Pavodle źviestak ŚMI, havorka idzie pra bujnoha ŭkrainskaha biznesmiena Jermałajeva i jaho blizkich.
Vadzim Jermałajeŭ — biznesmien z Dniapra, zasnavalnik handlova-vytvorčaj karparacyi «Alef» i adzin z najbujniejšych zabudoŭščykaŭ horada. Raniej jon rehularna ŭvachodziŭ u śpis 100 samych bahatych ludziej Ukrainy pa viersii Forbes. U 2019 hodzie jon admoviŭsia ad ukrainskaha hramadzianstva na karyść kiprskaha pašparta.
U 2023 hodzie Rada nacyjanalnaj biaśpieki i abarony Ukrainy ŭviała suprać jaho sankcyi terminam na 10 hadoŭ. Pa słovach ukrainskich uładaŭ, hetyja miery byli źviazanyja, u pryvatnaści, z abvinavačańniami ŭ tym, što častka jaho biznesu praciahvała dziejnaść u anieksavanym Krymie paśla 2014 hoda.
Sam Jermałajeŭ publična admaŭlaŭ hetyja abvinavačańni.
Starejšy syn Jermałajeva, Artur, stvaryŭ sietku machlarskich koł-centraŭ, jakija padmanvali žycharoŭ ES.
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary