U Manaka adbyŭsia mocny vybuch z paciarpiełymi. Paviedamlajuć pra zamach na ŭkrainskaha bujnoha biznesmiena
Pavodle paviedamleńnia francuzskaha vydańnia Le Figaro, nieviadomy mužčyna kala 21:00 pakinuŭ kala ŭvachodu ŭ adzin z budynkaŭ vybuchovaniebiaśpiečnuju pasyłku i źnik ź miesca zdareńnia. U vyniku vybuchu paciarpieli try čałavieki, dvoje ź ich znachodziacca ŭ ciažkim stanie.
Pavodle danych kamier videanazirańnia, nieviadomy pakinuŭ zaplečnik kala ŭvachodu ŭ budynak na vulicy Revierend-Per-Łui-Fała, skarystaŭšysia z momantu, kali ŭsiaredzinu zachodzili ludzi, a potym uciok.
Vybuchovaja pryłada ŭ zaplečniku, vykarystanaja padčas vybuchu, utrymlivała paražalnyja elemienty — žaleznyja bałty i šrot.
Paźniej źjaviłasia infarmacyja, što paciarpiełyja mohuć być hramadzianami Ukrainy, choć aficyjnaha paćviardžeńnia hetych danych pakul niama. Paviedamlajuć, što jany nibyta členy adnoj siamji, mužčynu i žančynie ad 50 da 60 hadoŭ, adzin z paciarpiełych — 13‑hadovy padletak. U ciažkim stanie abodva darosłych, stan padletka stabilny.
Niekatoryja krynicy taksama paviedamlajuć pra viersiju mahčymaha zamachu na ŭkrainskaha biznesmena Vadzima Jermałajeva, jaki raniej uvachodziŭ u śpis najbolš zamožnych ludziej Ukrainy, a ŭ 2019 hodzie atrymaŭ hramadzianstva Kipra, admoviŭšysia ad ukrainskaha.
58‑hadovy Vadzim Jermałajeŭ pachodzić z Dniapra, jon zasnavalnik i ŭładalnik hrupy Alef, jakaja pracuje ŭ śfierach nieruchomaści, vytvorčaści ałkaholu, ahrabiznesu, handlu i inšych napramkach. Jon doŭhi čas byŭ adnym z asnoŭnych zabudoŭščykaŭ Dniapra.
U 2023 hodzie Rada nacyjanalnaj biaśpieki i abarony Ukrainy ŭviała suprać jaho sankcyi terminam na 10 hadoŭ. Pa słovach ukrainskich uładaŭ, hetyja miery byli źviazanyja, u pryvatnaści, z abvinavačańniami ŭ tym, što častka jaho biznesu praciahvała dziejnaść u anieksavanym Krymie paśla 2014 hoda.
Sam Jermałajeŭ publična admaŭlaŭ hetyja abvinavačańni. Da ŭviadzieńnia sankcyj jon rehularna ŭvachodziŭ u śpisy najbahaciejšych ludziej Ukrainy pavodle rejtynhaŭ Forbes, «Fokus» i inšych vydańniaŭ.
Starejšy syn Jermałajeva, Artur, stvaryŭ sietku machlarskich koł-centraŭ, jakija padmanvali žycharoŭ ES. U śniežni 2025 hoda jaho zatrymali na Kipry i ekstradavali ŭ Estoniju, dzie ŭ dalejšym sudzili za stvareńnie złačynnaj supolnaści. Pavodle viersii śledstva, jaho koł-centry skrali kala 100 miljonaŭ jeŭra ŭ žycharoŭ roznych krain, u tym liku — 5 miljonaŭ jeŭra ŭ hramadzian Estonii. U vyniku Artur Jermałajeŭ byŭ vymušany vypłacić Estonii 8,5 miljona jeŭra, byŭ prysudžany da ŭmoŭnaha terminu dy zabarony na ŭjezd i pakinuŭ krainu.
Pravaachoŭnyja orhany i aficyjnyja struktury Manaka pakul nie paćvierdzili ni matyvy, ni kančatkovyja abstaviny zdareńnia. U kniastvie abvieščany čyrvony ŭzrovień pahrozy.
Kiraŭnik urada Manaka Krystof Mirman vykazaŭ zdahadku, što vybuch moh być teraktam.
«Na hety momant palicyja źbiraje dokazy. Nakolki mnie viadoma, heta pieršy vypadak u historyi, kali padobnaje adbyłosia ŭ kniastvie», — cytuje jaho BFMTV.
U Manaka abvieščany «Čyrvony płan» pa kiravańni kryzisami, mabilizavanyja ekstrannyja słužby, palicyja i słužby biaśpieki. Na miescy znachodziacca kiraŭnik urada, dziaržprakuror, prezident Nacyjanalnaj rady Manaka, a taksama «blizki pradstaŭnik» prynca Albiera II, paviedamiła Le Parisien.
Francyja nakiravała ŭ Manaka ratavalnyja kamandy dla padmacavańnia, a francuzskaja palicyja supracoŭničaje ŭ spravie pošuku ŭciekača. Pa papiaredniaj infarmacyi, jon pabieh u napramku francuzskaha horada Basalej — da miažy z Francyjaj ad miesca terakta zusim blizka, a ad Manaka da Basaleja ŭsiaho niekalki kiłamietraŭ.
Va Ukrainie dali pažyćciovaje pałkoŭniku SBU, jaki byŭ ahientam FSB
Sud u Techasie daŭ hihanckija terminy za napad na imihracyjny centr. Kiraŭnik hrupy atrymaŭ 100 hadoŭ turmy
SK RF nazvaŭ proźviščy adkaznych i vykanaŭcaŭ, chto, pa jaho viersii, atakavaŭ aŭtobus ź biełaruskimi dziećmi pad Branskam
ZŠA zabili kiraŭnika najbujniejšaj vieniesuelskaj bandy
Kamientary
Pra jaki ŭstup u Jeŭrasajuz jany marać? Chto ich tudy voźmie?