U minskim skviery zaŭvažyli raźbianuju stojku dla bukkrosinhu ź Ivanam Mieležam
U skviery ŭ minskim Zialonym Łuzie, na vulicy Hamarnika karystalnik Threads zaŭvažyŭ niezvyčajnuju pabudovu — stojku dla bukkrosinhu. Videa z pabudovaj aŭtar vykłaŭ u sacsietku, piša Blizko.by.
Stojka ŭjaŭlaje saboj draŭlanuju altanku ź nievialikaj šafaj u vyhladzie viaskovaj chatki z raźboj i łaŭkaj. Dźviercy šafy šklanyja z ramami, jany začyniajucca na kručok. Unutry šafy — prastornyja draŭlanyja palicy dla knih. Pobač vysadžanyja sukulenty.
Nad łaŭkaj pobač raźmiaščajecca partret biełaruskaha piśmieńnika Ivana Mieleža ź jahonaj cytataj: «Mova — heta vialiki narodny skarb. Jaho nielha nie pavažać, jak nielha nie pavažać rodny narod».
Instalacyja pracuje ŭ farmacie bukkrosinhu: luby čałaviek moža adčynić šafu, vybrać sabie knihu, jakaja spadabałasia, i zabrać jaje dadomu. Albo prynieści tudy svaju knihu, jakaja bolš nie patrebnaja.
Mikałaj Statkievič anansavaŭ zbornik svaich turemnych ese
Pamior movaznaŭca i dypłamat Piotra Sadoŭski
Polskaja daślednica biełaruskaj identyčnaści maryć pra pomnik «kułaku» ŭ Minsku i čakaje, kali Biełaruś znoŭ adkryjecca śvietu
Ci varta dzieciam karystacca ChatGPT? Razvažaje suzasnavalnik EPAM Leanid Łoźnier
Kamientary