Jon budzie prachodzić u niekalki etapaŭ.
Paetapny ramont Ślapianskaj vodnaj sistemy startavaŭ u stalicy. Pra chod rabot raspavioŭ hienieralny dyrektar UP «Minskzielanbud» Alaksandr Jermałovič, pišuć Minsk-naviny.
Budaŭnictva ŭnikalnaj dla Minska vodnaj sistemy pravodziłasia ŭ 1970— 1980‑ia hady. Za dziesiacihodździ mnohija jaje abjekty pryjšli ŭ zaniapad i patrabavali ramontu.
— My padtrymlivajem u naležnym stanie jak nabiarežnuju, tak i vodnyja abjekty, naprykład kaskady. Ale z ulikam uzrostu hetaj terytoryi nieabchodny nie tolki biahučy ramont, ale i bolš maštabnaje ŭmiašańnie, — patłumačyŭ A. Jermałovič.
Pavodle słoŭ hiendyrektara, dobraŭparadkavańnie abjekta budzie prachodzić u niekalki etapaŭ. U hetym hodzie jano zakranuła Zavodski, Leninski, Partyzanski i Pieršamajski rajony.
— Robicca vieładarožka, dobraŭparadkoŭvajucca placoŭki, ustaloŭvajecca dziciačaje spartyŭnaje abstalavańnie. Tam źjaviacca davoli cikavyja novyja łakacyi i maršruty, — prakamientavaŭ kiraŭnik «Minskzielanbuda».
Paralelna pravodzicca ačystka — raślinnaść z vodnaj pavierchni prybirajuć z dapamohaj śpiecyjalnych kambajnaŭ, udakładniŭ hiendyrektar.
Kamientary
Pra toje ŭžo byli naviny. "Minsk-naviny" prosta nie ŭ kantekście taho, što sami šmatrazova pisali pierad tym.
Uvohule adbyvajecca sumnaja dehradacyja žurnalistyki, ŭ tym liku ŭnutry sistemy, dzie hrošy jak by jość.