Ukraina naniesła ŭdar pa najbolšym u Rasii Omskim NPZ, za 2500 km ad frontu
Kali źniščanyja klučavyja ŭstanoŭki, možna čakać dalejšaha narastańnia deficytu paliva za Urałam i ŭ Sibiry.
Ukrainskija dalnabojnyja bieśpiłotniki «Luty» ździejśnili biesprecedentny nalot na Omski naftapierapracoŭčy zavod, jaki znachodzicca ŭ hłybokim tyle RF — za 2000 km ad frontu. Heta byŭ adzin ź niamnohich bujnych abjektaŭ rasijskaj naftapierapracoŭki, jaki da hetaha času zastavaŭsia niedasiažnym dla ŭdaraŭ USU.
Hubiernatar Omskaj vobłaści Vitalij Chacenka zajaviŭ u telehramie, što siły PRA RF «źbili varožyja BPŁA» nad rehijonam, adnak miesca ataki i jaje nastupstvy nie ŭdakładniŭ.
Pradstaŭniki kampanii «Hazprom niefť», jakoj naležyć pradpryjemstva, i samoha zavoda situacyju pakul nie kamientavali.
U siecivie źjavilisia videazapisy, na jakich bačny mahutny słup ahniu i dymu paśla prylotu pa NPZ. Dakładnaj infarmacyi pra toje, u jakuju mienavita ŭstanoŭku pacelili drony, pakul niama.
Ekśpierty adznačajuć, što kali byli źniščany klučavyja vytvorčyja mahutnaści, heta moža spravakavać surjozny deficyt paliva za Urałam i ŭ Sibiry. Rehularnyja ataki na rasijskija NPZ užo stanavilisia pryčynaj paliŭnaha kryzisu ŭ Rasii minułaj viasnoj i letam.
Pakul ukrainskija bieśpiłotniki atakavali Omsk, rasijskija vojski siońnia ŭnačy nanieśli masiravany ŭdar pa Kijevie, vykarystaŭšy dziasiatki rakiet i sotni dronaŭ.
-
Z-błohier, jaki zaklikaŭ da ŭsieahulnaj mabilizacyi, sam uciok z frontu
-
«Stamiŭsia žyć u ZŠA i pracavać na masonaŭ». Praŭnuk Brežnieva viarnuŭsia ŭ Rasiju i trapiŭ va ŭkrainski pałon padčas pieršaha bajavoha zadańnia
-
Ukrainskaj SPA nie ŭdałosia źbić nivodnaj balistyčnaj rakiety: patrebnyja rakiety dla Patriot
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła3
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4040
Kamientary