Украіна нанесла ўдар па найбольшым у Расіі Омскім НПЗ, за 2500 км ад фронту
Калі знішчаныя ключавыя ўстаноўкі, можна чакаць далейшага нарастання дэфіцыту паліва за Уралам і ў Сібіры.
Украінскія дальнабойныя беспілотнікі «Люты» здзейснілі беспрэцэдэнтны налёт на Омскі нафтаперапрацоўчы завод, які знаходзіцца ў глыбокім тыле РФ — за 2000 км ад фронту. Гэта быў адзін з нямногіх буйных аб'ектаў расійскай нафтаперапрацоўкі, які да гэтага часу заставаўся недасяжным для ўдараў УСУ.
Губернатар Омскай вобласці Віталій Хацэнка заявіў у тэлеграме, што сілы СРА РФ «збілі варожыя БПЛА» над рэгіёнам, аднак месца атакі і яе наступствы не ўдакладніў.
Прадстаўнікі кампаніі «Газпром нефть», якой належыць прадпрыемства, і самога завода сітуацыю пакуль не каментавалі.
У сеціве з'явіліся відэазапісы, на якіх бачны магутны слуп агню і дыму пасля прылёту па НПЗ. Дакладнай інфармацыі пра тое, у якую менавіта ўстаноўку пацэлілі дроны, пакуль няма.
Эксперты адзначаюць, што калі былі знішчаны ключавыя вытворчыя магутнасці, гэта можа справакаваць сур'ёзны дэфіцыт паліва за Уралам і ў Сібіры. Рэгулярныя атакі на расійскія НПЗ ужо станавіліся прычынай паліўнага крызісу ў Расіі мінулай вясной і летам.
Пакуль украінскія беспілотнікі атакавалі Омск, расійскія войскі сёння ўначы нанеслі масіраваны ўдар па Кіеве, выкарыстаўшы дзясяткі ракет і сотні дронаў.
-
Юнак з Бураціі тры гады марыў ваяваць ва Украіне. Падпісаў кантракт на наступны дзень пасля 18‑годдзя — і праз два месяцы загінуў
-
Дональд Туск дапускае прамыя расійскія ўдары па тэрыторыі Польшчы ў найбліжэйшы час
-
У час удару па ўкраінскім памежным пераходзе там былі еўрапейскія дарадцы па бяспецы і Борыс Джонсан
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта15
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары