Zabarona na pastaŭki rasijskaha zvadkavanaha pryrodnaha hazu ŭstupić u siłu z 1 studzienia 2027 hoda, a trubapravodnaha — z 30 vieraśnia 2027 hoda.
Rada ES uchvaliła poŭnuju zabaronu na pastaŭki rasijskaha hazu ŭ Jeŭrapiejski sajuz. Zabaronu buduć uvodzić paetapna, i dla dziejučych kantraktaŭ praduhledžany pierachodny pieryjad.
U vyniku pierad uvozam hazu na terytoryju ES krainy-členy buduć abaviazanyja praviarać krainu jaho pachodžańnia. Da 1 sakavika 2026 hoda ŭsie krainy Jeŭrasajuza pavinny padrychtavać i pradstavić nacyjanalnyja płany pa dyviersifikacyi pastavak hazu, a taksama vyznačyć patencyjnyja prablemy, źviazanyja z zamiaščeńniem rasijskaj syraviny. Kampanii taksama abaviazanyja paviedamlać nacyjanalnym uładam i Jeŭrakamisii pra ŭsie kantrakty na pastaŭku rasijskaha hazu, jakija zastalisia.
Za nievykanańnie praviłaŭ praduhledžany štrafy: dla fizičnych asob — nie mienš za 2,5 młn jeŭra, a dla kampanij — nie mienš za 40 młn jeŭra abo 3,5% ad ich hadavoha suśvietnaha abarotu (u zaležnaści ad taho, jakaja suma bolšaja). U jakaści alternatyvy štraf moža skłaści 300% ad raźlikovaha abarotu pa ździełcy, što parušyła zabaronu.
Pry hetym u vypadku nadzvyčajnaj situacyi, kali biaśpieka pastavak u adnoj abo niekalkich krainach ES apyniecca pad pahrozaj, Jeŭrakamisija atrymaje prava prypynić dziejańnie zabarony, ale nie bolš jak na čatyry tydni.
Pavodle acenak Jeŭrakamisii, letaś na rasijski haz prypadała kala 13% impartu sajuza — heta bolš za 15 młrd jeŭra.
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary
[Zredahavana]