Jak dehradujuć biełaruskija harady, jakija niadaŭna byli łakalnymi drajvierami
Za apošnija 10 hadoŭ u Biełarusi skaraciłasia nasielnictva ŭsich bujnych haradoŭ (bolš za 50 tysiač čałaviek), za vyklučeńniem piaci. U trojku antylidaraŭ uvachodziać bujnyja pramysłovyja centry z pradpryjemstvami-fłahmanami respublikanskaha značeńnia. U svoj čas jany byli punktami pryciahnieńnia ludziej i materyjalnych resursaŭ, a ciapier pačali słabieć, piša Thinktanks.pro.
Macniej za ŭsich siarod bujnych haradoŭ dehradavaŭ Śvietłahorsk — za dziesiać hadoŭ jon straciŭ bolš za 10% nasielnictva: u 2015 hodzie tut žyli 69 tysiač čałaviek, a na pačatak 2025 hoda zastałosia 61,8 tysiačy čałaviek.
Hałoŭnym pradpryjemstvam hetaha horada źjaŭlajecca novy celułozna-kardonny kambinat, jaki pačaŭ pracavać u 2018 hodzie. Jaho ŭvod u ekspłuatacyju supravadžaŭsia ekałahičnymi prablemami, žychary skardzilisia na niepryjemny pach. U 2023 hodzie dziaržava praz sud spahnała z pradpryjemstva bolš za 1 miljon dalaraŭ za «škodu, pryčynienuju navakolnamu asiarodździu».
Niekalki razoŭ ułady abjaŭlali pra kančatkovaje vyrašeńnie prablemy. Adnak 6 studzienia novaha 2026 hoda žychary horada znoŭ apublikavali emacyjnaje videa, u jakim skardzilisia na niepryjemny pach. Mała taho, na Śvietłahorskim CKK nie raz zdaralisia nadzvyčajnyja zdareńni. Naprykład, u červieni 2023 hoda tut adbyŭsia vybuch, u vyniku jakoha zahinuli try čałavieki.
Paraŭnalnyja sa Śvietłahorskam demahrafičnyja straty, jakija skłali 10% nasielnictva, paniesła taksama Orša. Ciapier tam naličvajecca 101,7 tysiačy žycharoŭ.
Cikava, što mienavita hety horad byŭ abrany ŭ 2018 hodzie ŭ jakaści ŭzorna-pakazalnaha piłota ŭ prajekcie pieraradžeńnia bujnych biełaruskich haradoŭ u alternatyŭnyja Minsku centry pryciahnieńnia pracy i kapitału. U prajekt adradžeńnia Oršy było inviestavana 1,4 miljarda rubloŭ.
Orša znachodzicca pablizu miažy z Rasijaj. U joj bolš-mienš paśpiachova pracujuć pradpryjemstvy lohkaj pramysłovaści — ilnokambinat, kansiervavy zavod i inšyja. Adnak, vidać, jany nie vytrymlivajuć kankurencyi za pracoŭnyja ruki z rasijskimi pradpryjemstvami.
Na trecim miescy siarod aŭtsajdaraŭ raźmiaściŭsia Salihorsk — horad, dzie zdabyvajuć kalijnyja ŭhnajeńni, jakija trapili pad sankcyi.
Raniej hety horad byŭ lidaram krainy pa vieličyni zarobkaŭ, jakaja kankuryravała sa staŭkami minskich ajcišnikaŭ. Ciapier ža ŭ rejtynhu zarobkaŭ Salihorsk zrušyŭsia na piataje miesca.
Razam z padzieńniem adnosnaha ŭzroŭniu zarobkaŭ u Salihorsku skaračajecca i kolkaść nasielnictva. U pačatku 2016 hoda ŭ horadzie žyli 103,8 tysiačy žycharoŭ, a ciapier — tolki 97 tysiač. Heta značyć, za 10 hadoŭ nasielnictva horada skaraciłasia na 6,5%.
Ci čystaje pavietra ŭ biełaruskich haradach?
U jakich biełaruskich haradach žyvie bolš za 100 tysiač čałaviek
Jak vyhladaje top-25 biełaruskich haradoŭ pa kolkaści nasielnictva. Novyja ličby
Top-15 biełaruskich haradoŭ, jakija vymirajuć chutčej za ŭsio. Lidar vas mocna ździvić
Hrodna ŭžo na trecim miescy siarod haradoŭ Biełarusi pa kolkaści žycharoŭ REJTYNH
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary
... I naradžajucca. I tak było zaŭždy i ŭ adnolkavaj stupieni dlia ŭsich haradoŭ, a tut majem asobnyja anamalii...