Abama i Klintan zaklikali amierykancaŭ vychodzić na pratesty suprać palityki Trampa
Były prezident ZŠA Bił Klintan zaklikaŭ amierykancaŭ adkryta vystupić suprać departacyjnaj palityki administracyi Donalda Trampa paśla hibieli 37‑hadovaha miedbrata Aleksa Preci ŭ Minieapalisie.
Pavodle słoŭ Klintana, toje, što adbyłosia, stała tryvožnym sihnałam dla krainy. «Kali my admovimsia ad našych svabod paśla 250 hadoŭ, my možam bolš nikoli ich nie viarnuć», — zajaviŭ jon.
Raniej da padtrymki pratestaŭ zaklikali taksama Barak Abama i jahonaja žonka Mišel. U sumiesnaj zajavie jany padkreślili, što chvala mirnych akcyj u Minieapalisie i inšych haradach ZŠA — heta napamin pra hramadzianskuju adkaznaść, piša Bild.
«Heta svoječasovy napamin pra toje, što ŭ kančatkovym vyniku mienavita ad kožnaha i kožnaj z nas jak hramadzian zaležyć, ci hatovyja my ŭstavać suprać niespraviadlivaści, abaraniać našy asnoŭnyja svabody i patrabavać adkaznaści ad ułady», — havorycca ŭ ich zvarocie.
Donald Tramp, u svaju čarhu, rezka adreahavaŭ na pratesty. U sacyjalnaj sietcy Truth Social jon apublikavaŭ fota mierkavanaj zbroi Preci i abvinavaciŭ ułady Miniesoty ŭ padbuchtorvańni da biesparadkaŭ.
Kamientary