Абама і Клінтан заклікалі амерыканцаў выходзіць на пратэсты супраць палітыкі Трампа
Былы прэзідэнт ЗША Біл Клінтан заклікаў амерыканцаў адкрыта выступіць супраць дэпартацыйнай палітыкі адміністрацыі Дональда Трампа пасля гібелі 37‑гадовага медбрата Алекса Прэці ў Мінеапалісе.
Паводле слоў Клінтана, тое, што адбылося, стала трывожным сігналам для краіны. «Калі мы адмовімся ад нашых свабод пасля 250 гадоў, мы можам больш ніколі іх не вярнуць», — заявіў ён.
Раней да падтрымкі пратэстаў заклікалі таксама Барак Абама і ягоная жонка Мішэль. У сумеснай заяве яны падкрэслілі, што хваля мірных акцый у Мінеапалісе і іншых гарадах ЗША — гэта напамін пра грамадзянскую адказнасць, піша Bild.
«Гэта своечасовы напамін пра тое, што ў канчатковым выніку менавіта ад кожнага і кожнай з нас як грамадзян залежыць, ці гатовыя мы ўставаць супраць несправядлівасці, абараняць нашы асноўныя свабоды і патрабаваць адказнасці ад улады», — гаворыцца ў іх звароце.
Дональд Трамп, у сваю чаргу, рэзка адрэагаваў на пратэсты. У сацыяльнай сетцы Truth Social ён апублікаваў фота меркаванай зброі Прэці і абвінаваціў улады Мінесоты ў падбухторванні да беспарадкаў.
-
Іранскія дзяржаўныя СМІ ўпершыню паказалі разбураную рэзідэнцыю Хаменеі пасля ўдару ЗША і Ізраіля ВІДЭА
-
У Польшчы расіяніну, які выдаваў сябе за апазіцыянера, далі сем гадоў калоніі за працу на ФСБ. Яго жонка таксама атрымала тэрмін
-
У ЕС зацвердзілі новыя правы авіяпасажыраў. Шмат чаго вы даўно чакалі
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам8
Каментары